Har Cheez Se Aati Hai Sada Kaan Me Allah

Kalaam of Hazrath Yahiya Pasha (Haaziq) R.a

Har Cheez Se Aati Hai Sada Kaan Me Allah
Hai Dil Me Mere Aur Meri Jaan Me Allah.

Shai Rag Se Wo Nazdeek Hai Ye Mai Nahi Kehta
Ye Baat To Farmata Hai Quran Me Allah.

Ho Chashme Baseerat To Nazar Aayega Har Su
Har Rang Me Har Roop Me Har Shaan Me Allah.

Dil Me Na Rahe Mere Koi Aur Tamanna
Baaqi Rahe Par Aarzu Armaan Me Allah.

Dar Asl Wohi To Hai Meri Aarzu -E- Dil
Hai Hasile Armaan Mere Iqaan Me Allah.

Ham Ko To Nazar Iske Siwa Kuch Nahi Aata
Gulshan Me Hai Allah Biyabaan Me Allah.

Irfane Nazar Ho To Nazar Aayega Haaziq
Har Sher Ke Andar Mere Deewan Me Allah.