Mai Muddat Se Iss Aas Par Jee Rahi Hoon

Mai Muddat Se Iss Aas Par Jee Rahi Hoon

Mai Muddat Se Iss Aas Par Jee Rahi Hoon
Kabhi To Sunega Duaen Wo Meri.

Jo Logon Se Sun Sun Ke Naqshe Hain Kheenche
Haqiqath Me Honge Manazir Wo Kaise
Kabhi Jaake Dekhun Khud Aankhon Se Apni
Mai Muddat Se Iss Aas Par Jee Rahi Hoon.

Khuda Ne Utaara Jise Aasman Se
Kiya Nasb Tha Jisko Paighambaron Ne
Usi Hajre Aswad Ka Bosa Mai Lelun
Mai Muddat Se Iss Aas Par Jee Rahi Hoon.

Mere Saamne Ho Wo Kaabe Ki Chaukhat
Wo Rukne Yamani Ho Wo Mizabe Rehmath
Mai Sehne Haram Me Karun Jaake Sajde
Mai Muddat Se Iss Aas Par Jee Rahi Hoon.

Wo Shehre Haram Wo Madine Ki Galiyan
Wo Arfath Ka Din Mina Ki Wo Raatein
Mayassar Kabhi Hon Hame Saare Jalwe
Mai Muddat Se Iss Aas Par Jee Rahi Hoon.

Mere Saamne Ho Wo Gumbade Khazra
Wo Rauze Ki Jaali Wo Jannat Ka Gosha
Kabhi Choom Loon Jaake Khaake Madina
Mai Muddat Se Iss Aas Par Jee Rahi Hoon.

Nahi Hai Bharosa Koi Zindagi Ka
Ussi Ko Qabar Hai Wohi Jaanta Hai
Bulalega Hamko Wo Marne Se Pehle
Mai Muddat Se Iss Aas Par Jee Rahi Hoon.

Khuda Kab Bulaale Mujhe Apne Ghar Me
Mai Muddat Se Iss Aas Par Jee Rahi Hoon.