Ghulamon Ko Madine Me Bulana Ya Rasoolallah

Kalaam of Hazrath Mir Aazam Ali (Shaaiq) R.a

Ghulamon Ko Madine Me Bulana Ya Rasoolallah
Tumhi Ho Be Thikanon Ka Thikana Ya Rasoolallah.

Karam Se Paas Bulwakar Kaleja Kijiye Thanda
Judai Ke Sitam Kab Tak Uthana Ya Rasoolallah.

Kisi Heele Bahane Se Dikhado Chand Si Surath
Kahan Tak Aankh Se Aansu Bahana Ya Rasoolallah.

Safar Ab Ke Baras Ham Ko Mayassar Ho Madine Ka
Kahan Tak Dil Ko Samjhana Manana Ya Rasoolallah.

Irada Dil Ka Poora Ho Tamanna Dil Ki Poori Ho
Dua Ab Ke Meri Khaali Na Jaana Ya Rasoolallah.

Tera Kehlake Yoon Bekal Rahun Dar Dar Phirun Kab Tak
Bas Ab Nazdeek Qadmon Ke Bulana Ya Rasoolallah.

Khuda Ka Waasta Aur Fatima Hasnain Ka Sadqa
Madina Jald Shaaiq Ko Bulana Ya Rasoolallah.