Aap Kaunain Ki Hain Jaan Rasoole Arabi

Aap Kaunain Ki Hain Jaan Rasoole Arabi (Hz Kamil Rh)

Kalaam of Kamil

Aap Kaunain Ki Hain Jaan Rasoole Arabi
Jab Kabhi Yaad Kiya Tumko Tadapte Dil Se
Mushkilein Hogayin Aasaan Rasoole Arabi.

Shukr Kis Mu Se Adaa Ho Ke Hamare Dil Me
Aapka Dard Hai Mehmaan Rasoole Arabi.

Rooh Karti Hai Meri Aapke Rauze Ka Tawaaf
Jaan Hai Sau Jaan Se Qurban Rasoole Arabi.

Yaad Taiba Ki Kaleje Se Lagi Rehti Hai
Zindagi Ka Hai Ye Samaan Rasoole Arabi.

Zindagi Uski Ho Maut Uski Ho Sab Kuch Uska
Hogaya Tumpe Jo Qurban Rasoole Arabi.

Aapse Rabte Muhabbath Me Ajab Lazzath Hai
Taaza Hojaata Hai Imaan Rasoole Arabi.

Aapke Paaye Mubarak Ho Sar -E- Kamil Ho
Marne Waale Ka Hai Armaan Rasoole Arabi.

Do Jahan Aap Pe Qurban Rasoole Arabi.

Aap Bhoole Na Kabhi Ham Se Gunahgaaron Ko
Yaad Hain Aapke Ehsaan Rasoole Arabi.

Aap Kaunain Ki Hain Jaan Rasoole Arabi (Hz Kamil Rh)