Aayina -E- Haq Rooe Munawwar

Aayina -E- Haq Rooe Munawwar (Hz Kamil Rh)

Kalaam of Kamil

Aayina -E- Haq Rooe Munawwar
Sallallahu Alaihi Wasallam
Sar Se Qadam Tak Ek Husne Paikar
Sallallahu Alaihi Wasallam.

Shamm'e Risalath Raushan Hai Ghar Ghar
Sallallahu Alaihi Wasallam
Bat'ta Hai Sadqa Sab Me Barabar
Sallallahu Alaihi Wasallam.

Armaan Hai Ye Deewangi Ke
Qadmon Me Unke Lota Kareinge
Khaak Unke Dar Ki Ho Apna Bistar
Sallallahu Alaihi Wasallam.

Imaan Tak Ki Baazi Lagaadi
Parwa Hai Kya Phir Dil Aur Jaan Ki
Qurban Sab Kuch Pyaare Nabi Par
Sallallahu Alaihi Wasallam.

Ek Raabta Hai Juz Aur Kul Me
Jis Tarha Bu Hai Posheeda Gul Me
Hai Saath Mere Wo Banda Parwar
Sallallahu Alaihi Wasallam.

Hai Ye Durood Ek Behtar Ibadath
Kya Poochte Ho Iski Karamat
Haath Aagaya Hai Kya Khoob Mantar
Sallallahu Alaihi Wasallam.

Aankhon Me Hai Ek Noore Mujarrad
Dekha Hai Jab Se Rooe Muhammad
Chaaye Hue Hai Fikr -O- Nazar Par
Sallallahu Alaihi Wasallam.

OZ-'O
Sarwe Qiramaan Jaane Baharaan
Rashke Haseenaan Sultane Khooban
Ye Chap Ye Saj Dhaj Allahu Akbar
Sallallahu Alaihi Wasallam.

Kamil Mushaam -E- Jaan Hai Mu'attar
Tashreef Laaye Shayad Payambar
Mehki Hai Boo -E- Zulfe Mu'ambar
Sallallahu Alaihi Wasallam.

Agar Che Mehr -O- Maah Se Raat Din (Hz Saifi Rh)