Jannat Unhe Lejayeinge Rizwan Waghaira

Jannat Unhe Lejayeinge Rizwan Waghaira

Jannat Unhe Lejayeinge Rizwan Waghaira
Jitne Bhi Hain Maula Ke Qadardaan Waghaira.

Ek Baar Tu Zahra Ke Dulaaron Ki Sana Kar
Badhti Hi Chali Jaayegi Phir Shaan Waghaira.

Mai Naade Ali Padhke Jo Maula Ko Pukaarun
Hat Jaate Hain Raste Se Ye Toofan Waghaira.

Maulayi Hoon Mai Isliye Milti Hai Adab Se
Karti Nahi Mushkil Bhi Pareshan Waghaira.

Shabbir Ke Dushman Sabhi Kaafir The Laeen The
Ye Shimr -O- Yazeed Aur Ye Marwaan Waghaira.

Zahra Teri Namoos Ki Khaatir Hai Fida Sab
Ye Maal Ye Aulaad Meri Jaan Waghaira.

Hasani Ko Bhi Ho Izn Ke Choome Dare Maula
Baitha Hai Ye Baandhe Hue Samaan Waghaira.

Teaq
Jo Quwwate Baazue Nabi Hai
Ali Ali Hai Ali Ali Hai
Kaaba -E- Dil Qibla -E- Jaan Taaq Abrooe Ali
Hubahu Qurane Naatiq Mushafe Rooe Ali.

Khaak Ke Zarron Me Atr -E- Buturaabi Ki Mehek
Baagh Ke Har Phool Se Aati Hai Khushbu -E- Ali.

Aye Saba Kya Yaad Farmaya Hai Maula Ne Mujhe
Aaj Mera Dil Khincha Jaata Hai Kyun Sooe Ali.

Daamane Firdaus Hai Har Goshaye Shehre Najaf
Hai Muqeem -E- Khuld Goya Saakine Kooe Ali.

Kyun Na Ho Kaunain Ke Aazadiyan Ispar Nisaar
Hai Dile Bedam Aseere Daam Gesuye Ali.

Kahin Lafzon Se Mumkin Bhi Hai Midhat (Hz Layeeq Rh)