Nazar Me Dil Me Seene Me Hai

Nazar Me Dil Me Seene Me Hai

Nazar Me Dil Me Seene Me Hai Jalwa Ghouse -E- Aazam Ka
Sarapa Hai Mera Aayina Khaana Ghouse -E- Aazam Ka.

Tamasha Deedni Hoga Adaalat Gaahe Mehshar Me
Jo Mere Haath Me Daman Rahega Ghouse -E- Aazam Ka.

Ye Wo Aayina Hai Shaane Khuda Hai Aayina Jis Me
Koi Dekhe Khudara Rooe Waala Ghouse -E- Aazam Ka.

Ayaan Hai Lahmuka Lahmi Ke Maane Shaane Aqdas Me
Sarapa Barzaqe Kibraa Hai Naqsha Ghouse -E- Aazam Ka.

Muqabil Jaise Aayina Koi Rehta Hai Soorat Me
Bandha Hai Saamna Iss Tarha Mera Ghouse E Aazam.

Padheinge Faatiha Iqlaas Se Parwaaz Par Apni
Agar Jibreel Par Ho Kashfe Rauza Ghouse -E- Aazam Ka.

Baraaye Deedni Laila Ba Baayad Deedaye Majnoon
Koi Dekhe Meri Aankhon Se Jalwa Ghouse -E- Aazam Ka.

Jahan Me Go Fareeqe Auliya Me Aap Hain Lekin
Girohe Ambiya Me Hashr Hoga Ghouse -E- Aazam Ka.

Khuda Ko Usne Dekha Aur Rasoolallah Ko Dekha
Jise Murshid Ne Dikhlaya Hai Chehra Ghouse -E- Aazam Ka.

Khiraman Hain Tasawwur se Hareeme Qalb Me Har Dam
Hai Mera Seena -E- Be Keena Kooncha Ghouse -E- Aazam Ka.

Zahoore Ahmade Mursal Muqarrar Usne Dekha Hai
Jo Dekha Deedaye Baatin Se Chehra Ghouse -E- Aazam Ka.

Nazar Me Dil Me Seene Me Hai