Pul Se Utaaro Raah Guzar Ko Khabar Na Ho

Pul Se Utaaro Raah Guzar Ko Khabar Na Ho

Pul Se Utaaro Raah Guzar Ko Khabar Na Ho
Jibreel Par Bichaaye To Par Ko Khabar Na Ho.

Kaanta Mere Jigar Se Ghame Rozgaar Ka
Yoon Kheench Lijiye Ke Jigar Ko Khabar Na Ho.

Fariyaad Ummati Jo Kare Haale Zaar Me
Mumkin Nahi Ke Khaire Bashar Ko Khabar Na Ho.

Kehti Thi Ye Burraq Se Uski Sabak Rawi
Yoon Jaaiye Ke Garde Safar Ko Qabar Na Ho.

Farmate Hain Ye Donon Hain Sardare Do Jahan
Aye Murtaza Ateeq -O- Umar Ko Khabar Na Ho.

Aisa Gumade Unki Wila Me Khuda Hamein
Dhoonda Kare Par Apni Khabar Ko Khabar Na Ho.

Aa Dil Haram Ko Rokne Waalon Se Chupke Aaj
Yoon Uth Chalein Ke Pehlu -O- Bar Ko Khabar Na Ho.

Teer -E- Haram Hai Ye Kahin Rishta Bapa Na Ho
Yoon Dekhiye Ke Taare Nazar Ko Khabar Na Ho.

Aye Khwaare Taiba Dekh Ke Daman Na Bheeg Jaaye
Yoon Dil Me Aa Ke Deedaye Tar Ko Khabar Na Ho.

Aye Shouqe Dil Ye Sajda Gar Unko Rawa Nahi
Accha Wo Sajda Kije Ke Sar Ko Khabar Na Ho.

Unke Siwa Raza Koi Haami Nahi Jahan
Guzra Kare Pisar Pe Pidar Ko Khabar Na Ho.

Pul Se Utaaro Raah Guzar Ko Khabar Na Ho