Bayan Ho Kis Zuban Se Martaba

Bayaan Ho Kis Zubaan Se Martaba Siddiq -E- Akbar Ka
Hai Yaare Ghaar Mehboobe Khuda Siddiq -E- Akbar Ka.

Ilaahi Rahem Farma Khaadim E Siddique-E-Akbar Hoon
Teri Rehmat Ke Sadqe Waasta Siddiq -E- Akbar Ka.

Rasul Aur Ambiya Ke Baad Jo Afzal Ho Aalam Se
Ye Aalam Mein Hai Kis Ka Martaba Siddiq -E- Akbar Ka.

Gadaa Siddique-E- Akbar Ka Khuda Se Fazl Paata Hai
Khuda Ke Fazl Se Mein Hoon Gadaa Siddiq -E- Akbar Ka.

Huwe Farooq O Usman O Ali, Jab Daakhile Bai'at
Bana Fakhro Salaasil Silsila Siddiq -E- Akbar Ka.

Maqaame Khwaabe Raahat Chain Se Aaraam Kar Ne Ko
Bana Pehlu -E- Mehboob -E- Khuda Siddiq -E- Akbar Ka.

Lutaaya Raahe Haq Me Ghar Kayi Baar Iss Muhabbath Se
Ke Lut Lut Kar Hasan Ghar Bhargaya Siddiq -E- Akbar Ka.

Bayan Ho Kis Zubaan Se Martaba