Tumhare Dar Se Nisbath Hai

Mujhe Acche Nahi Lagte Kisi Ke Naam Ke Tukde
Barahman Ho Mubarak Tujhko Hi Asnaam Ke Tukde
Gadaaye Meeran Hoon Mutrib Mai Muqaddar Se
Meri Taqdeer Me Likhe Hain Meeran Ghouse Ke Tukde.

Tumhare Dar Se Nisbath Hai
Karo Mujhpar Karam Meeran
Tum Apne Naam Ka Sadqa
Mera Rakhlo Bharam Meeran.

Girah...

Khada Der Se Hoon Dar Par
Mujhe Bheek Do Khudara
Hai Ye Laaj Bhi Tumhari
Ye Faqeer Bhi Tumhara
Mujhe Ab Log Nisbath Se Teri Pehchan Jaate Hain
Na Hoti Aapse Nisbath To Pehchane Kahan Jaate.

Jab Tak Bika Na Tha To Koi Puchta Na Tha
Tumne Khareed Kar Hame Anmol Kardiya.

Karam Karo Hasnain Ke Sadqe
Na Karo Juda Khudara Mujhe Apne Aastan Se
Nahi Phir Koi Thikana Jo Uthadiya Yahan Se.

Banda Go Sarkar Ke Laaiq Nahi
Sar Ba Sar Darbar Ke Laaiq Nahi.

Mere Dil Me Tamanna Hai Tera Deedar Hojaye
Teri Nazre Karam Se Mera Beda Paar Hojaye
Tumhare Haath Meri Laaj Hai Meri Sharam Meeran.

Tumhara Naam Loon Jab Mai To Jeewan Me Bahaar Aaye
Tumhare Aastan Par Sar Jhuke Jis Dam Qaraar Aaye
Jhukega Ghair Ke Dar Pe Na Sar Teri Qasam Meeran.

Girah...

Dil Ko Nahi Sukoon Meri Jaan Tere Baghair
Aaja Ke Zindagi Hai Pareshan Tere Baghair
Mina Khamosh Jaan Wo Khafa Maikada Udaas
Sooni Padi Hai Mehfile Rindaan Tere Baghair.

Tumhare Dar Se Nisbath Hai