Badhegi Taa Abad Shaane Ulaa Har Aan

Badhegi Taa Abad Shaane Ulaa Har Aan

Badhegi Taa Abad Shaane Ulaa Har Aan Zahra Ki
Ke Hai Midhath Saraayi Karraha Quran Zahra Ki.

Khade Hokar The Isteqbaal Karte Mustafa Unka
Khuda Hi Jaanta Hai Kis Qadar Hai Shaan Zahra Ki.

Nabi Ke Ghar Ki Har Naimath Wohi Taqseem Karti Hain
Hai Goya Sab Khudayi Har Ghadi Mehman Zahra Ki.

Nigahon Ko Jhukalo Ahle Mehshar Se Nida Hogi
Sawaari Khuld Me Jaayegi Jab Zeeshan Zahra Ki.

Bapa Se Parda Malakul Maut Ke Inkaar Karne Par
Khuda Ne Qabz Farmayi Thi Khud Hi Jaan Zahra Ki.

Jabhi To Katke Bhi Karbal Me Sar Unka Raha Ooncha
Ke Thi Shabbir Me Ghairath Ali Ki Aan Zahra Ki.

Bayaan Kya Shaan Ho Binte Nabi Ki Tujhse Aye Saaim
The Chakki Peeste Hooro Malak Rizwan Zahra Ki.

Bat'ta Hai Do Jahan Me Sadqa Batool Ka
Bat'ta Hai Do Jahan Me Sadqa Batool Ka
Sultane Do Jahan Hai Baba Batool Ka.

Sach Hai Ke Meri Maa
Bhi Unhi Ki
Kaneez Hai
Mera Hai
Baap Daada Bhi Mangta Batool Ka.

Rehti Hai Dekhlo Meri Maujein Lagi Hui
Mujhpar Karam Hua Hai Ye Kaisa Batool Ka.

Shaami Bazaare Shaam Me Hairaan The Khade
Quran Padhraha Tha Wo Beta Batool Ka.

Nazron Se Maine Chooma Hai Chaukhat Ko Baar Baar
Dekha Hai Maine Baarha Hujra Batool Ka.

Ajmal Ki Hai Tauqeer Bhi Pehchaan Bhi Yehi
Adna Sa Ek Ghulaam Hai Zahra Batool Ka.

Bol Baala Dare Batool Ka Hai
Bol Baala Dare Batool Ka Hai
Rutba Aala Dare Batool Ka Hai.

Jinse Raushan Hai Ye Dono Jahaan
Wo Ujala Dare Batool Ka Hai.

Hoon Namak Khwaar Aale Athar Ka
Har Niwaala Dare Batool Ka Hai.

Bol Baala Dare Batool Ka Hai
Bol Baala Dare Batool Ka Hai
Rutba Aala Dare Batool Ka Hai.

Jinse Raushan Hue Hain Dono Jahaan
Wo Ujala Dare Batool Ka Hai.

Hoon Namak Khwaar Aale Athar Ka
Har Niwaala Dare Batool Ka Hai.