Auliya Me Hai Chuninda Khwaja -E- Banda Nawaz

Kalaam of Rizwan Pasha Quadri Laubali Sahab

Auliya Me Hai Chuninda Khwaja -E- Banda Nawaz
Sab Hain Taare Aur Chanda Khwaja -E- Banda Nawaz.

Aapke Zere Tasarruf Hai Deccan Ka Har Bashar
Har Darinda Har Parinda Khwaja -E- Banda Nawaz.

Hai Ajab Rishta Ye Mera Aapka Gesudaraaz
Aap Acche Mai Hoon Ganda Khwaja -E- Banda Nawaz.

Aapka Isme Giraami Naame Naami Hai Shaha
Mere Louhe Dil Pe Kunda Khwaja -E- Bandanawaz.

Aapki Tehreer Padhkar Aapke Faizan Se
Murda Dil Hote Hain Zinda Khwaja -E- Banda Nawaz.

Aapka Aashiq Hai Rizwan Aye Shahinshahe Deccan
Ghouse Aazam Ka Hai Banda Khwaja -E- Bandanawaz.