Karam Khuda Ka Mai Ummati Hoon

Karam Khuda Ka Mai Ummati Hoon

Karam Khuda Ka Mai Ummati Hoon
Bhali Hai Qismat Buri Nahi Hai
Tumhare Sadqe Mai Ya Muhammad
Mila Hai Sab Kuch Kami Nahi Hai.

Shareek Hai Zikr Mustafa Ka
Khuda Ke Azkaare Aaliya Me
Na Bhool Ghafil Tu Isko Hargiz
Wo Bandagi, Bandagi Nahi Hai.

Khuda Bhi Usko Milega Beshak
Ke Jisko Hai Ulfate Muhammad
Wo Khaak Jaane Khuda Ki Ulfath
Ke Jisko Hubbe Nabi Nahi Hai.

Hira Ka Manzar Uhud Ka Maidan
Issi Ki Tafseer Karrahe Hain
Khirad Ko Sikhlado tt Lahab Ki
Ye Ishq Hai Dillagi Nahi Hai.

Ke Dekh Nabiyon Ke Haath Me Hai
Tu Thaamle Damane Muhammad
Yehi Hai Aalam Me Haq Ka Mazhar
Samajhle Gar Aagahi Nahi Hai.

Nabi Hain Bar Haq Shafiye Mehshar
Jahan Ka Haadi Wo Fakhre Aadam
Mere Payambar Ki Shaan Waala
Jahan Me Koi Nabi Nahi Hai.

Nabi Ke Daman Me Saif Teri
Bade Maze Se Guzar Rahi Hai
Karam Se Haq Ke Mila Hai Sab Kuch
Kisi Bhi Shae Ki Kami Nahi Hai.

Karam Me Unke Dhal Kar Dekhte Hain