Ye Azmath Nahi Be Sabab Ghouse -E- Aazam

Ye Azmath Nahi Be Sabab Ghouse -E- Aazam (Hz Saifi Rh)

Kalaam of Saifi

Ye Azmath Nahi Be Sabab Ghouse -E- Aazam
Hai Tumpar Bada Fazle Rab Ghouse -E- Aazam.

Tumhari Ataa Hai Ajab Ghouse -E- Aazam.

Hile Bhi Na Saail Ke Lab Ghouse -E- Aazam.

Jo Aajaye Gar Aastan Par Tumhare
Tahi Dast Jaata Hai Kab Ghouse -E- Aazam.

Tumhare Mureedon Ki Had Hi Nahi Hai
Hazaaron Karodon Arab Ghouse -E- Aazam.

Khuda Ki Ibadath Ka Rasta Dikhaye
Sikhaye Nabi Ka Adab Ghouse -E- Aazam.

Khuda Ki Ibadath Nabi Ki Ita'ath
Yehi Kaam Hai Rozo Shab Ghouse -E- Aazam.

Mae Ishqe Ahmad Ataa Karke Saifi
Sikhaaye Muhabbat Ke Dhab Ghouse -E- Aazam.

Zamane Me Agar Dekhi To
Zamane Me Agar Dekhi To Shaane Quadri Dekhi
Nabuwwat Ke Gulistaan Me Wilayath Ki Kali Dekhi
Haqiqat Khulgayi Jab Sar Zameen Baghdad Ki Dekhi
Tajalli Hi Tajalli Raushni Hi Raushni Dekhi
Dayaare Ghouse Kya Dekha Madine Ki Gali Dekhi.

Shahe Baghdad Ne Jis Par Karam Ki Ek Nazar Daali
Bana Har Kaam Uska Hogayi Sab Door Bad Haali
Mere Ghousul Wara Ki Shaan Hai Kya Shaan Hai Aali
Sawaali Aapke Dar Se Kabhi Lauta Nahi Khaali
Shahinshahon Se Bhi Bad Kar Saqawat Aapki Dekhi.

Azizon Karchuko Taiyyar Jab Mere Janaze Ka
To Likhdena Kafan Pe Naam Waala Ghouse Azam Ka
Lahad Me Jab Farishte Mujhse Pooche To Mai Kehdunga
Tariqa Quadri Hai Naam Lewa Ghouse Aazam Ka
Farishton Rokte Kyun Ho Mujhe Jannat Me Jaane Se
Ye Dekho Haath Me Daman Hai Kiska Ghouse Aazam Ka.

Janabe Ghouse Dulha Aur Barati Auliya Honge
Maza Dikhlaega Mehshar Me Sehra Ghouse Aazam Ka
Hamari Laaj Kiske Haath Hai Baghdad Waale Ki
Musibat Taal Dena Kaam Kiska Ghouse Aazam Ka
Gaye Ek Waqt Me Sattar Muridon Ke Yahan Aaqa
Samajhme Aa Nahi Sakta Mohamma Ghouse Aazam Ka
Ye Sunte Hi Nakirain Mujhse Kuch Saqti Nahi Karte
Likha Hota Jiske Dil Pe Toghra Ghouse Aazam Ka
Nida Dega Munadi Hashr Me Sab Quadriyon Ko
Kahan Hai Quadri Karle Nazara Ghouse Aazam Ka.

Kabhi Qadmon Se Liptunga Kabhi Daman Pe Machlunga
Batadunga Ke Yoon Chut Ta Hai Banda Ghouse Aazam Ka
Jameele Quadri Sau Jaan Se Qurban Murshid Pad
Banaya Jisne Mujh Jaise Ko Banda Ghouse Aazam Ka.

Mukhalif Kya Kare Mera Ke Behad Karam Hai Mujhpar
Khuda Ka Rahmatullill Alameen Ka Ghouse Aazam Ka
Farishte Madarse Tak Saath Pohonchane Ko Jaate Hain
Ke Darbare Ilahi Me Hai Rutba Ghouse Aazam Ka.

Mukhalif Thi Hawa Dariya Me Ek Aisi Leher Aayi
Gayi Dariya Me Kashti Doob Sahil Pe Khabar Aayi
Zaifa Ek Roti Peeth Ti Aaqa Ke Dar Aayi
Dua Maangi Janabe Ghouse Ne Kashti Ubhar Aayi
Zamane Toone Mere Ghouse Ki Dariya Dili Dekhi.

Jameele Quadri Sau Jaan Se Qurban Murshid Par
Khuda Ka Rahmatallill Alameen Ka Ghouse Aazam Ka