Munawwar Meri Aankhon Ko Mere

Munawwar Meri Aankhon Ko Mere

Munawwar Meri Aankhon Ko Mere Shamsuz Zuha Kardein
Ghamon Ki Dhoop Me Wo Saya -E- Zulfe Dota Kardein.

Jahan Baani Ataa Kardein Bhari Jannat Hiba Kardein
Nabi Muqthare Kul Hain Jisko Jo Chahe Ataa Kardein.

Jahan Me Unki Chalti Hai Wo Dam Me Kya Se Kya Kardein
Zameen Ko Aasman Kardein Suraiyya Ko Sara Kardein.

Faza Me Udhne Waale Yoon Na Itraye Nida Kardein
Wo Jab Chahe Jise Chahe Use Farma Rawa Kardein.

Meri Mushkil Ko Yoon Aasan Mere Mushkil Kusha Kardein
Har Ek Mauje Bala Ko Mere Maula Na Khuda Kardein.

Kisi Ko Wo Hasaate Hain Kisi Ko Wo Rulaate Hain
Wo Yoon Hi Aazmate Hain Wo Ab To Faisla Kardein.

Mujhe Kya Fikr Ho Akhtar Mere Yaawar Hain Wo Yaawar
Balaon Ko Meri Jo Khud Giraftare Bala Kardein.

Munazzah Har Ek Shakl -O- Surath Se Tu Hai
Magar Shakle Ahmed Teri Hubahu Hai.

Zamane Se Dil Me Yehi Aarzu Hai
Use Dekho Jisme Faqat Tu Hi Tu Hai.

Hijaabe Ta'aiyyun Uthakar Jo Dekha
Unhi Ka Hi Jalwa Ayaan Chaarsu Hai.

Hui Deede Haq Ki Talab Aaj Poori
Jamaale Muhammad Mere Rubaru Hai.

Kaha Haq Ne Meraj Ki Shab Nabi Se
Jo Tu Hai So Mai Hoon, Jo Mai Hoon So Tu Hai.

Talaashe Muhammad Me Hairan Kyun Ho
Baseerat Se Dekho Yahin Rubaru Hai.

Udhar Lan Taraani Idhar Man Ra'aani
Samajhne Ki Aabid Yehi Guftagu Hai.

Munazzah Har Ek Shakl -O- Surath Se Tu Hai