Ghulam Hashr Me Jab Sayyadul Waraa Ke

Ghulam Hashr Me Jab Sayyadul Waraa Ke

Ghulam Hashr Me Jab Sayyadul Waraa Ke Chale
Liwaye Hamd Ke Saaye Me Sar Uthaake Chale.

Ye Kiska Shehr Qareeb Aaraha Hai Dekho To
Durood Padhte Hue Qafile Hawa Ke Chale.

Wahin Pe Tham Gayi Ek Baar Gardishe Dauraan
Jahan Bhi Tazkire Sultane Ambiya Ke Chale.

Talab Hui Sare Qausain Jab Shabe Asra
Huzoor Waqife Manzil Pe Muskura Ke Chale.

Nashe Ke Illat -E- Hurmat Me Ye Bhi Tha Pehlu
Ke Pul Siraat Pe Momin Na Ladkhada Ke Chale.

Nazar Ba Aalam -E- Pakeezgi Padhe Unpar
Musafiran -E- Lahad Isliye Naha Ke Chale.

Janabe Aamena Uthin Balayen Lene Ko
Wo Taaj Sar Pe Shafa'at Ka Jab Sajaa Ke Chale.

Naseer Unke Siwa Kaun Hai Rasool Aisa
Jo Baqshwane Pe Aaye To Baqshwa Ke Chale.

Ghulam Hashr Me Jab Sayyadul Wara Ke