Gar Tum Na Karoge To Karam Kaun Karega

Ya Khuda Jism Me Jab Tak Ye Mere Jaan Rahe
Tujhpe Sadqe Tere Mehboob Pe Qurban Rahe
Kuch Rahe Ya Na Rahe Par Ye Dua Hai Ke Ameen
Naza Ke Waqt Salamath Mera Imaan Rahe.

Naghmaye Salle Alaa Wirde Zuban Rehta Hai
Har Ghadi Saamne Rehmath Ka Sama Rehta Hai
Jab Madine Ke Darogaam Nazar Aate Hain
Dile Betaab Ko Phir Hosh Kahan Rehta Hai.

Mai Madine Me Jo Jaata To Wahan Kya Karta
Kuch Na Karta To Faqat Rauze Ko Dekha Karta.

Aur Kehta
Mushkil Taalo Shaahe Umam
Kardo Aaqa Nazre Karam
Girah...

Gar Tum Na Karoge To Karam Kaun Karega
Kya Banda Bhi Tera Mere Sarkar Nahi Mai.

Har Koi Hai Damane Ummeed Phailaye Hue
Aastane Pe Hai Mohtaje Karam Aaye Hue.

Karam Tumhara Aam Hai
Karam Ki Bheek Do Hamein
Jahan Pe Meherban Ho Tum
Kareem -E- Bekasaan Ho Tum
Mohtajon Ka Rakhlo Bharam
Kardo Aaqa Nazre Karam.

Tumhare Dar Se Ya Nabi
Kahan Faqeer Jayenge
Tumhi Se Lau Lagayi Hai
Tumhi Se Bheek Payenge
Mangte Hain Iss Dar Ke Ham
Kardo Aaqa Nazre Karam.

Idhar Bhi Shaahe Mursaleen
Koi Ishaara Chahiye
Habeebe Kibriya Hamein
Karam Tumhara Chahiye
Kab Tak Jhelein Ranjo Alam
Kardo Aaqa Nazre Karam.

Jamaale Haq Numa Ho Tum
Ye Sab Tumhara Noor Hai
Tumhare Faize Khaas Ka
Har Ek Jagah Zahoor Hai
Ham Dukhiyon Ke Taalo Gham
Kardo Aaqa Nazre Karam.

Ghire Hain Mushkilon Me Ham
Bada Kathin Maqaam Hai
Hamare Lab Pe Mustafa
Faqat Tumhara Naam Hai
Har Mangte Ki Aankh Hai Nam
Kardo Aaqa Nazre Karam.

Jholi Meri Tumhare Siwa Kaun Bharega
Ye Maanliya Laayiqe Darbar Nahi Mai
Ye Bhi Na Sahi Qabile Deedar Nahi Mai
Har Chand Agar Aapke Darkaar Nahi Mai
Mushkil Taalo Shaahe Umam