Unhein Kalme Me Bhi Chora Nahi Hai

Unhein Kalme Me Bhi Chora Nahi Hai (Hz Jameel Sharfi)

Kalaam of Jameel Sharfi

Unhein Kalme Me Bhi Chora Nahi Hai
Mere Aaqa Kahin Tanha Nahi Hai.

Abas Hai Bolna Saaya Nahi Hai
Nabi Ke Qad Ka Andaza Nahi Hai.

Ibadat Raat Bhar Dekhe Tamasha
Bicha Bistar Hai Aur Sona Nahi Hai.

Azaanon Ne Udaaney Bhar Ke Dekha
Nabi Se Koi Bhi Uncha Nahi Hai.

Wo Ho Arshe Bareen Par Ya Zameen Par
Duroodon Se Koi Parda Nahi Hai.

Nabi Ki Ungliyon Me Doob Jaaun
Samandar Koi Bhi Aisa Nahi Hai.

Nabi Ke Jaisa Hona Door Thaire
Koi Siddiq Bhi Jaisa Nahi Hai.

Nazar Aajao Ham Bhi Jaan Dedein
Bhala Tum Par Kise Marna Nahi Hai.

Jameel Anwaar Ke Maana Yehi Hai
Diya Raushan Hai Aur Shola Nahi Hai.

Unhein Kalme Me Bhi Chora Nahi Hai (Hz Jameel Sharfi R.a)