Sarapa Zindagi Akse Nabuwwat

Sarapa Zindagi Akse Nabuwwat

Sarapa Zindagi Akse Nabuwwat Fatima Ki Hai
Jo Seerat Mustafa Ki Hai Wo Seerat Fatima Ki Hai.

Kabhi Unki Sifarish Rad Nahi Hoti Risalath Me
Shahe Kaunain Ke Dil Me Wo Azmath Fatima Ki Hai.

Ye Wabasta Risalath Se Amanat Inse Wabasta
Khirad Se Maawra Hai Jo Fazilath Fatima Ki Hai.

Wo Hain Khatoone Jannat Noore Chashme Shafiye Mehshar
Gunahgaron Ko Yoon Haasil Himayath Fatima Ki Hai.

Samajhlije Hamesha Meherban Hai Panjatan Uspar
Jahan Jinpar Bhi Ek Chashme Inayath Fatima Ki Hai.

Karun Qurban Apna Ghar Ka Ghar Mai Unke Qadmon Par
Sada Aaye Jo Taiba Se Ijazath Fatima Ki Hai.

Mujhe Kya Khauf Apne Besaro Samaniyon Ka Ho
Salamath Sab Hain Gar Nisbath Salamath Fatima Ki Hai.

Ba Zaahir To Yehi Hai Aayate Tatheer Ka Mehwar
Nihaan Kitne Hi Pardon Me Haqiqath Fatima Ki Hai.

Mere Sarkar Ki Har Dam Muhabbath Hai Mere Dil Me
Mere Sarkar Ke Dil Me Muhabbath Fatima Ki Hai.

Isi Par Naaz Hai Hamko Ke Hain Parwardaye Nisbath
Rasoolallah Se Bismil Jo Nisbath Fatima Ki Hai.

Sayyade Duniya -O- Deen Ki Jaane Jaan