Nabi Aale Nabi Ke Ham To Bas Sadqe Hue Hote.

Aaj To Naam Aisa Sunaun Sakhi-
Apne Khwaja Ke Bal Bal Jaaun Sakhi
Naam Unka Khwaja Muhammad Siddiq
Waan Ka Qitab Sunaun
Agar Ham Bhi Madine Me Pale Hote Bade Hote

Rasoolallah Ke Qadmon Se Ham Bhi Jo Jude Hote
Zameen Par Shaah Hote Aur Malaaik Me Ghire Hote.

Kabhi Bosa Liye Hote Nabi Ke Dast Ka Ham Bhi
Kabhi Qadmon Ke Niche Ham Bhi Apne Sar Diye Hote.

Kabhi Zahra Ke Baba Ke Qadam Par Aankh Ko Malte
Kabhi Hasnain Ke Paun Ke Dhoban Ko Piye Hote
Badar, Khandaq, Uhud, Khaibar, Fateh Makkah, Jamal, Siffin
Ali Ke Saath Hote Aur Nabi Ko Sar Diye Hote.

Hussain Ibne Ali Ke Naam Par Ham Jo Mite Hote
Farishte Milne Ko Hamse Qataaron Me Khade Hote.

Shuja'ath Ka Jo Lete Dars Ali Maula Ki Sohbath Me
Hussain Ibne Ali Ke Saath Karbal Me Kate Hote.

Ali Moosa Raza Ke Shaahzaade Ne Hai Samjhaya
Ali Ka Saath Dene Se Nabi Ke Daam Ke Hote.

Agar Tum Bhi Hameed Uddin Hussaini Se Jude Hote
Najaf Ko Aate Jaate Aur Madine Me Base Hote.

Hai Allah Ka Fazal Ham Par Hamein Momin Banaya Hai
Wagar Naa Chand Taare Aag Patthar Me Phase Hote.

Ghulami Panjatan Ki Hai Hidayath Hai Imamath Hai
Nahi To Khaarji Bakwaas Ke Hatthe Chadhe Hote.

Kiya Azaad Maula Ki Aseeri Ne Hamein Beshak
Wagar Naa Naasibi Dhoke Ki Zad Me Jalgaye Hote.

Dikhate Wo Haseeb Uddin Hussaini Dabdaba Apna
Nabi -E- Paak Ke Qadmon Ke Neeche Jab Dabe Hote.

Haseeb Uddin Hussaini Ko Mila Jo Dabdaba Saara
Nabi Ke Paaun Ke Neeche Hamesha Wo Dabe Hote.

Ahwal Unko Roke Sunane Ki Der(Qadeer)
Ahwal Unko Roke Sunane Ki Der Hai
Dar Pe Wo Apne Mujhko Bulaane Ki Der Hai.

Qadmon Me Apne Mujhko Bithalenge Mustafa
Ashkon Se Naat Unko Sunane Ki Der Hai.

Jitne Bhi Dil Ke Zakhm Hai Hojayenge Gulaab
Kamli Wo Apni Mujhpe Udhaane Ki Der Hai.

Palkon Se Apni Choomunga Ro Ro Ke Baar Baar
Talwa Wo Apna Mujhko Dikhaane Ki Der Hai.

Shamso Qamar Bhi Sadqa Utaarenge Husn Ka
Rukh Se Naqaab Aaqa Hataane Ki Der Hai.

Khulde Bareen Me Dakhila Hojayega Qadeer
Sarkar Apne Lab Ko Hilaane Ki Der Hai.

Ahwal Unko Roke Sunane Ki Der(Ismail Qadeer Quadri Sahab)
Ali Mushkil Kusha Ka Naam Japna Meri Aadat Hai
Ali Mushkil Kusha Ka Naam Hi Meri Zaroorat Hai.

Ali Mushkil Kusha Ka Naam Himmat Hai Ghareebon Ki
Ali Mushkil Kusha Ke Naam Me Roohani Taaqat Hai.

Ali Mushkil Kusha Ka Naam Jaise Dhoop Me Saaya
Ali Mushkil Kusha Ka Naam Hi Wajhe Sakeemat Hai.

Ali Mushkil Kusha Hain Baabe Shehre Ilm Sartapa
Ali Mushkil Kusha Ki Zaat Taqdeere Wilayath Hai.

Ali Mushkil Kusha Hain Qaazi -E- Hajaat Ka Darpan
Ali Mushkil Kusha Ki Shaqsiyath Jaane Saqawath Hai.

Ali Mushkil Kusha Ki Zaat Yaane Zulfiqariyyat
Ali Mushkil Kusha Ki Baat Khaalis Haidariyyat Hai.

Ali Mushkil Kusha Hain Mamba -O- Masdar Tareeqat Ka
Ali Mushkil Kusha Ki Jaan Hi Jaane Shariyath Hai.

Ali Mushkil Kusha Ki Yaad Jaise Naghmae Wehdat
Ali Mushkil Kusha Ka Zikr Quran Ki Tilawat Hai.

Ali Mushkil Kusha Bhooke Rahen Aur De Ghareebon Ko
Ali Mushkil Kusha Ki Kya Ajab Shaane Sakhawat Hai.

Dare Khaibar Sare Marhab Pe Taari Hai Asad Larza
Ali Mushkil Kusha Ke Naam Ki Har Ek Pe Haibat Hai.

FIp BI
Ali Mushkil Kusha Ka Naam Japna(Asad)
Ip BI
Ali Mushkil Kusha Ka Naam Japna(Asad Sanai Sahab)
Dare Khaibar Sare Marhab Pe Taari Hai Asad Larzaan
Andhere Me Bhi Ahle Dil Ujala Dekhlete Hain
Jab Aankhein Band Karte Hain Madina Dekhlete Hain.

Nazara Gumbade Khazra Ka Ham Kya Dekhlete Hain
Zameen Par Jalwaye Arshe Mo'alla Dekhlete Hain.

Madine Me Na Jaane Log Kya Kya Dekhlete Hain
Gum Utne Hoke Rehjaate Hain Jitna Dekhlete Hain.

Nazar Ki Qaeyd Kya Sar Ta Qadam Noore Mujarrad Ko
Dilon Ka Haal Be Dekhe Bhi Aaqa Dekhlete Hain.

Kisi Manzile Qausain Dekhi Hi Kahan Ab Tak
Nabi Ka Martaba Aala Hai Kitna Dekhlete Hain.

Zarurath Kya Hai Aaqa Ko Kahin Bhi Aane Jaane Ki
Jahan Jo Dekhna Ho Hasbe Mansha Dekhlete Hain.

Khuda Jaane Kahan Hai Aaqri Had Unke Jalwon Ki
Nazar Jitni Mili Jinko Wo Utna Dekhlete Hain.

Faqeeri Jazb Hojati Hai Anwaare Nabuwwath Me
Jahan Waale Faqat Zaahir Ka Jalwa Dekhlete Hain.

Nazar Se Ghaib Kuch Ho To Sawaale Ghaib Daani Hai
Anaa Min Noor
Hain Ek Ek Zarra Dekhlete Hain.

Dare Sarkar Hai Insaniyath Ki Aaqri Manzil
Issi Nisbath Se Qad Insaan Ka Ooncha Dekhlete Hain.

Ajab Hai Shouq Raahe Rasme Darbare Shahe Bat'ha
Yahan Kam Dekhne Waale Ziyaada Dekhlete Hain.

Andhere Me Bhi Ahle Dil Ujala(Hz Khwaja Shouq Rh)