Mere Shabbir Bachpan Ka Waada Aaj

Mere Shabbir Bachpan Ka Waada Aaj

Mere Shabbir Bachpan Ka Waada
Aaj Karne Wafa Jaarahe Hain
Chorkar Apne Naana Ka Rauza
Sooe Karbobala Jaarahe Hain.

Khoon Apne Jigar Ka Pilaane
Sar Ko Sajde Me Rakhkar Kataane
Dekho Deene Nabi Ko Bachaane
Ibne Shere Khuda Jaarahe Hain.

Haath Me Zulfiqaare Ali Hai
Baatilon Me Ajab Khalbali Hai
Bach Na Paayega Zaalim Yazeedi
Banke Uski Qaza Jaarahe Hain.

Jab Madine Me Hasnain Chalte
Dekhne Waale Aksar Ye Kehte
Dekhkar Ab Hame Lagraha Hai
Jaise Khairul Wara Jaarahe Hain.

Raah Me Ibne Haidar Ye Bole
Dekhne Waalon Hairan Kyun Ho
Gulshane Deene Naana Ko Ham Sab
Aaj Karne Haraa Jaarahe Hain.

Ab Nadeeme Raza Ye Batade
Ahle Mehfil Ko Mushda Sunade
Bargaahe Hussaini Me Ham Bhi
Lene Apni Dawa Jaarahe Hain.

Mere Shabbir Bachpan Ka Waada Aaj