Hai Khuda Ka Pata Sayyada Fatima

Har Bulandi Aagayi Hai Zere Paaye Fatima
Kaise Mumkin Hosake Hamse Sana -E- Fatima.

Noor Hi Bas Noor Hai Aur Noor Ki Tafseer Hai
Bolta Quran Hai Ek Ek Ada -E- Fatima.

Mustafa Ko Sab Ne Dekha Baat Hai Maani Hui
Dar Haqiqath Kisne Dekha Hai Siwaye Fatima.

Do Jahan Me Har Kisi Ke Kaam Aata Hai Khuda
Aapke Bacche Khuda Ke Kaam Aaye Fatima.

E-PA
Mustafa Ke Waaste Se Maang Kar Dekho Zara
Har Qadam Par Kaisi Hoti Hai Ataa -E- Fatima.

Paikare Niswaniyath Me Dhaal Kar Apni Anaa
Naam Rakha Fatima Khud Hi Khudaye Fatima.

Silsila Dar Silsila Taqdeer Mere Saath Hai
Silsila Dar Silsila Mai Hoon Gadaaye Fatima.

Ek Wohi Insaan Hai Altaf Qismat Ka Dhani
Do Jahan Me Jisko Haasil Hai Dua -E- Fatima.

Ho Nahi Sakti Raqam Binte Shahe Bat'ha Ki Shaan
Kya Bayaan Ho Qatra -E- Nacheez Se Dariya Ki Shaan.

Ek Zarra Kya Ahaata Karsake Khursheed Ka
Ek Adna Kya Samajhsakta Hai Ek Aala Ki Shaan.

Hai Mere Peshe Nazar Uss Zaat Ka Zikre Buland
Past Hojaati Hai Jiske Saamne Duniya Ki Shaan.

Bad'atum Minni Kahen Jisko Rasoole Inso Jaan
Isse Badhke Aur Kya Ho Uss Durre Yakta Ki Shaan.

Jiski Aamad Par Khade Hon Khud Imaam -Ul-
Ambiya
Dekhiye Chashme Nabuwwath Me Zara Zahra Ki Shaan.

Chaal Me Husne Khiraame Ahmadi Ka
Baankpan
Waz Zuha Se Milti Jhulti Chehraye Zeba Ki Shaan.

Ahle Mehshar Jiski Aamad Par Rakhein Neechi Nazar
Kis Qadar Unchi Hai Uss Shahzaadi -E- Waala Ki Shaan.

Ye Khawateen -E- Jahane Nau Bhala Samjheingi Kya
Mariyam -O- Hawwa Se Poocho Zainabe Kubra Ki Shaan.

Hai Jahan Me Be Adeel -O- Be Misaal -O- Be Maseel
Zarb Haidar Ki Muhammad Ki Saqa Zahra Ki Shaan.

Jab Bani'n Binte Muhammad Walida Sibtain Ki
Chashme Insaan Me Dobala Hogayi Mamta Ki Shaan.

Marhaba Zahra Tera Zauje Giraami Bu Turaab
Khaak Me Jisne Milaadi Khaisaro Khisra Ki Shaan.

Shabbir -O- Shabbar Zainab -O- Zainul Ibaad
Marhaba Kya Aouj Par Hai Itrate Zahra Ki Shaan.

Wo To Tere Maah Paaron Ne Lagaaye Chaar Chaand
Warna Kya Karbal Ke Ek Tapte Hue Sehra Ki Shaan.

Sajda -E- Hairath Me Hai Ab Tak Jahane Saajdeen
Dekhkar Tere Pisar Ki Sajda -E- Oola Ki Shaan.

Jab Sawa Neze Pe Aajayega Suraj Munkiron
Uss Ghadi Tum Par Khulegi Chadare Zahra Ki Shaan.

Fatima Maa Hai Ussi Marde Jari Ki Aye Naseer
Lashkare Jarrar Par Haawi Thi Jis Tanha Ki Shaan.

Jiski Aamad Par Khade Hon Khud Imaam - Ul-
Husn Ki Ibteda Fatima
Ishq Ki Inteha Fatima.

Jaane Kaunain Khairul Wara
Jaane Khairul Wara Fatima.

Jholiyan Sabki Bhartin Hain Wo
Behre Joodo Saqa Fatima
Tum Wafa Ka Ho Ek Silsila
Ishq Ka Qafila Fatima.

Ghar Tera Kehkashan Noor Ki
Noore Shamsuz Zuha Fatima.

Aapka Hai Waqar -E- Hazeen
Ek Nazar Ispe Ya Fatima.

Husn Ki Ibteda Fatima (Hz Waqar Pasha Saheb)
Behre Joodo Saqa Fatima.

Iffat -O- Haya Ka Ghar Sayyada Ki Chadar Hai
Azmaton Ka Ek Mehwar
Sayyada Ki Chadar Hai.

Jaise Kaali Kamli Hai Har Ghulam Ke Sar Par
Har Kaneez Ke Sar Par Sayyada Ki Chadar Hai.

Jisko Dekh Kar Imaam Laaliya Yahoodi Ne
Noore Haq Ka Wo Paikar Sayyada Ki Chadar Hai.

Jang Aur Museebath Me Na Juda Hui Sar Se
Goya Ek Sipar Bankar Sayyada Ki Chadar Hai.

Kaise Kaise Gauhar Hain Unse Aaj Wabasta
Meri Bazm Ka Manzar Sayyada Ki Chadar Hai.

Qalb Jiska Raushan Hai Wo Ye Dekh Sakta Hai
Kaali Kamli Ka Astar Sayyada Ki Chadar Hai.

Aankh Jis Se Raushan Hai Aye Waseem Wo Tukda
Kaali Kamli Hai Ya Phir Sayyada Ki Chadar Hai.

Iffat -O- Haya Ka Ghar (Hz Waseem Ilhami Sahab)
Jisko Dekh Kar Imaan Laaliya Yahoodi Ne
Jazbe Shaahe Ambiya Shehzadi -E- Kaunain Hain (Hz Khwaja Shouq Rh)