Mustafa Ke Dar Se Jisko Aashnayi Hogayi

Mustafa Ke Dar Se Jisko Aashnayi Hogayi

Mustafa Ke Dar Se Jisko Aashnayi Hogayi
Usko Dar Dar Ki Ghulami Se Rihaayi Hogayi.

Koonchaye Sarkar Me Pohoncha To Mujhko Yoon Laga
Jaise Meri Khuld Se Aage Rasaayi Hogayi.

Jo Bhi Aaya Bargaahe Mustafa Me Doston
Jism -O- Jaan Tahir Hue Dil Ki Safaayi Hogayi.

Kyun Sajein Na Kooncha -O- Bazaar Kyun Khushiyan Na Ho
Marhaba Sarkar Ki Jalwa Numaayi Hogayi.

Al Madad Ya Mustafa Maine Pukaara Jab Kabhi
Behre Imdaad Aagaye Mushkil Khushaayi Hogayi.

Ye Bhi Saqib Nisbate Sarkar Ka Faizan Hai
Har Taraf Jo Mustafayi Mustafayi Hogayi.

Mustafa Ya Mustafa Mustafa