Sultane Karbala Ko Hamara Salaam Ho

Sultane Karbala Ko Hamara Salaam Ho

Sultane Karbala Ko Hamara Salaam Ho
Jaanane Mustafa Ko Hamara Salaam Ho.

Abbas Naamdaar Hain Zakhmon Se Choor Choor
Uss Paikare Raza Ko Hamara Salaam Ho.

Akbar Se Naujawaan Bhi Ran Me Hue Shaheed
Ham Shakle Mustafa Ko Hamara Salaam Ho.

Asghar Ki Nanni Jaan Pe Laakhon Durood Hon
Mazloom -O- Be Gunah Ko Hamara Salaam Ho.

Bhai Bhatije Bhaanje Sab Hogaye Nisaar
Har Laale Be Baha Ko Hamara Salaam Ho.

Ho Kar Shaheed Qaum Ki Kashti Tiraa Gaye
Ummat Ke Na Khuda Ko Hamara Salaam Ho.

Nasir Wilaaye Shaah Me Kehta Hai Baar Baar
Mehmane Karbala Ko Hamara Salaam Ho.

Soonghi Thi Leke Haath Me Dashte Balaa Ki Khaak
Nana Ke Saamne Thi Musibath Hussain Ki.

Peshe Nazar Husool Na Tha Takht -O- Taaj Ka
Thi Zulm Ke Khilaaf Baghawath Hussain Ki.

Narmi Wohi Khuloos Wohi Saadgi Wohi
Milti Thi Mustafa Se Tabiyath Hussain Ki.

Izhaare Harfe Haq Pe Hain Pehre Lage Hue
Mehsoos Horahi Hai Zarurath Hussain Ki.

Jo Unpe Mar Mita Wohi Thehrega Surkhuru
Mehshar Me Rang Layegi Nisbath Hussain Ki.

Nikla Wo Zuljanaah Alam Ke Juloos Me
Karlo Naseer Badhke Ziyarath Hussain Ki.

Taari Hai Ahle Jabr Pe Haibath Hussain Ki