Ab Aadmi Kuch Aur Hamari Nazar Me Hai

Ab Aadmi Kuch Aur Hamari Nazar Me Hai

Ab Aadmi Kuch Aur Hamari Nazar Me Hai
Jab Se Suna Hai Yaar Libaase Bashar Me Hai.

Apna Hi Jalwa Hai Jo Hamari Nazar Me Hai
Ab Ghair Kaun Chashme Haqiqath Nigar Me Hai.

Wo Ganje Husn Hai Dile Veeran Me Jalwagar
Fazle Khuda Se Daulate Kaunain Ghar Me Hai.

Bas Ek Furoghe Naqshe Kafe Paa Ke Faiz Se
Har Zarra Aaftab Teri Rahguzar Me Hai.

Allah Khair Mere Dile Beqaraar Ki
Andaaz Yaas Ka Nigahe Naama Bar Me Hai
Khud Beeniyon Ki Aankh Mili Chashme Shauq Se
Meri Nazar Bhi Aaj Tumhari Nazar Me Hai.

Banne Se Pehle Saaghare Mai Toot Jaate Hain
Kya Mo'tassib Bhi Khaak Kafe Koonza Gar Me Hai
Ghurbat Me Bhi Khayale Watan Saath Saath Hai
Ye Bhi Na Ho To Kiska Sahara Safar Me Hai.

Aye Nooh Apni Kashti -E- Aalam Se Hoshiyaar
Toofan -E- Girya Aaj Meri Chashme Tar Me Hai.

Ek Maihmaan Se Dono Ghar Aabad Hain Mere
Dil Me Hai Teer, Teer Ka Paikar Jigar Me Hai.

Hairan Hoon Ke Sajda Karun To Kidhar Karun
Kaabe Me Bhi Wohi Bute Kaafir Nazar Me Hai.

Haste Hain Mere Girya -E- Be Iqtiyaar Par
Ye Aapki Adaa Labe Zakhme Jigar Me Hai.

Bedam Ye Justuju Bhi Ajab Hai Ajab Talaash
Nikle Hain Dhoondne Ko Use Ham Jo Ghar Me Hai.

Ab Aadmi Kuch Aur Hamari Nazar Me Hai