Nabiyon Ke Nabi Ummi Laqabi

Nabiyon Ke Nabi Ummi Laqabi

Nabiyon Ke Nabi Ummi Laqabi
Kar Mujhko Ataa Thodi Si Ziya
Ye Kisne Kaha Saaya Hi Na Tha
Mujhko Nazar Aaya Har Su Tera Saaya
Jo Tera Hua Rab Uska Hua
Paayi Hai Khudayi Jisne Tujhe Paaya
Aye Sarware Deen, Shab Jiski Nahi
Baante Wo Sawera, Kamli Teri Kaali.

Saaqi Mera Tu Bhar Mera Suboo
Dariya Hoon Ke Jheelein Sab Teri Sabeelein
Khursheede Hira, Ambar Se Gira
Aahon Ki Tanabein, Doori Ki Faseelein
Firdaus Mera, Rauza Hai Tera
Palkon Me Piro De, Deewar Ki Jaali.

Mehboobe Khuda Aye Noore Huda
Chamke Mera Seena, Banjaye Madina
Karti Hai Anaa, Ab Teri Sana
Uss Paar Lagade Lafzon Ka Safeena
Rakh Mera Bharam, De Shaahe Umam
Hassan Ki Nazrein, Aawaze Bilaali.

Bas Ek Yehi Hasrath Hai Meri
Dil Maut Se Pehle Kuch Tujhse Bhi Kehle
Bhadke Jo Talab, Ho Dard Ajab
Ab Tera Muzaffar Yaadon Se Na Behle
Rehmath Ki Nazar Hojaye Agar
Banjaaye Gulistaan, Sookhi Hui Daali.

Kaunain Ke Waali Mai Tera Sawaali
Taare Tere Moti Chanda Teri Thaali.

Naimate Be Badal Madina Hai
Har Udaasi Ka Hal Madina Hai.

Zabte Jazbaat Laazmi Hai Yahan
Aye Mere Dil Sambhal Madina Hai.

Unki Aamad Ka Faiz Hai Makkah
Unki Hijrath Ka Phal Madina Hai.

Garde Raah Jhaadne Ki Sonchta Hai
Isko Chehre Pe Mal Madina Hai.

Dost Ye Ehtemaam -E- Aks Kashi
Khud Se Baahae Nikal Madina Hai.

Lab Pe Be Jaa Utar Na Aye Khwahish
Pehle Askhon Me Dhal Madina Hai.

Gir Na Jaayein Zameen Par Aye Chashm
Apne Aansu Nigal Madina Hai.

Yasrab -E- Haal Se Na Ho Ghamgeen
Mazhari Tera Kal Madina Hai.

Na Kaleem Ka Tasawwur
Na Khayaale Toore Seena
Meri Aarzu Muhammad
Meri Justju Madina.

Mai Gadae Mustafa Hoon
Meri Azmatein Na Poocho
Mujhe Dekh Kar Jahannam
Ko Bhi Aagaya Paseena .

Mujhe Dushmanon Na Chedo
Mera Hai Koi Jahan Me
Mai Abhi Pukaar Lunga
Nahi Door Hai Madina.

Mai Mareeze Mustafa Hoon
Mujhe Chedo Na Tabeebon
Meri Zindagi Jo Chaho
Mujhe Le Chalo Madina.

Mere Doobne Me Baaqi
Na Koi Kasar Rahi Thi
Kaha Al Madad Muhammad
To Ubhar Gaya Safeena.

Siwa Iske Mere Dil Me
Koi Aarzu Nahin Hai
Mujhe Maut Bhi Jo Aaye
To Ho Saamne Madina.

Kabhi Aye Shakeel Dil Se
Na Mite Khayaale Ahmed
Isi Aarzu Me Marna
Isi Aarzu Me Jeena.

Na Karo Juda Khudara Mujhe Apne Aastan Se
Na Milega Phir Sahara Jo Utha Diya Yahan Se.

Yehi Meri Bandagi Hai Yehi Meri Sajda Rezi
Ke Zara Lipat Ke Ro Loon Tere Sange Aastan Se.

Tu Hazaar Baar Thukra Mera Sar Yahin Jhukega
Mere Dil Me Hai Muhabbat Tere Sange Aastan Se.

Mujhe Khaak Me Milakar Meri Khaak Bhi Udaa De
Tere Naam Par Mita Hoon Mujhe Kya Gharaz Nishan Se
Na Ho Paas Unka Parda Na Ye Parda Daariyan Hon
Meri Dukh Bhari Kahani Jo Sune Meri Zubaan Se.

Iss Khaak Aastan Me Ek Din Fana Bhi Hoga
Ke Bana Hua Hai Bedam Isi Khaake Aastan Se.

Meri Bekasi Ka Aalam Koi Unke Dil Se Pooche
Meri Tarha Lutgaya Ho Jo Bichad Ke Karwan Se.

Iss Khaake Aastan Me Ek Din Fana Bhi Hoga
Naqsh Me Kayenath Ke Noore Nabi Ka Rang Hai