Bayan Ho Kis Zubaan Se Martaba

Bayaan Ho Kis Zubaan Se Martaba Siddiq -E- Akbar Ka
Hai Yaare Ghaar Mehboobe Khuda Siddiq -E- Akbar Ka.

Ilaahi Rehem Farma Khadim -E- Siddique -E- Akbar Hoon
Teri Rehmat Ke Sadqe Waasta Siddiq -E- Akbar Ka.

Rasool Aur Ambiya Ke Baad Jo Afzal Ho Aalam Se
Ye Aalam Me Hai Kis Ka Martaba Siddiq -E- Akbar Ka.

Gada Siddiq -E- Akbar Ka Khuda Se Fazl Paata Hai
Khuda Ke Fazl Se Mai Hoon Gadaa Siddiq -E- Akbar Ka.

Hue Farooq -O- Usman -O- Ali Jab Daakhile Bay'at
Bana Fakhro Salaasil Silsila Siddiq -E- Akbar Ka.

Maqame Khwaabe Raahat Chain Se Aaraam Karne Ko
Bana Pehlu -E- Mehboob -E- Khuda Siddiq -E- Akbar Ka.

Lutaaya Raahe Haq Me Ghar Kayi Baar Iss Muhabbath Se
Ke Lut Lut Kar Hasan Ghar Bhargaya Siddiq -E- Akbar Ka.

Bayan Ho Kis Zubaan Se Martaba