Ghouse -E- Aazam Se Bheek Paate Hain

Ghouse -E- Aazam Se Bheek Paate Hain (Hz Aarif Laubali)

Kalaam of Aarif Laubali

Ghouse -E- Aazam Se Bheek Paate Hain
Ghouse -E- Aazam Ke Geet Gaate Hain.

Haazri Phir Hui Naseeb Hamein
Jinke Hain Unke Dar Pe Aate Hain.

Urs Hai Aaj Ghouse -E- Aazam Ka
Sajdaye Shouq Ham Lutaate Hain.

Sunraha Hoon Abhi Se Khush Khabri
Mujhko Sarkar Phir Bulaate Hain.

Faize Irfane Quadriyyat Se
Har Ghadi Jashn Ham Manaate Hain.

Phool Dekhun To Aise Lagta Hai
Mere Sarkar Muskuraate Hain.

Gyarveen Jinke Ghar Me Hoti Hai
Unke Ghar Ghouse -E- Paak Aate Hain.

Aapse Hai Ummeed -E- Lutfo Karam
Haale Dil Aapko Sunaate Hain.

Umr Bhar Ka Hai Tajruba Aarif
Ghouse -E- Aazam Madad Ko Aate Hain.

Ghouse -E- Aazam Se Bheek Paate Hain (Hz Arif Laubali)