Ya Jeelani Shaiallillah

Ya Jeelani Shaiallillah (Hz Hasrath Rh)

Kalaam of Hasrath

Hind Me Ham Sab Hain Be Taab
Ghouse Aazam Shahinshah.

Aazuk Bazuk Phoolon ki
Beechme Dargah Waliyon Ki
Kalash Chada Hai Sone Ka
Ghouse Aazam Shahinshah.

Ham To Tere Kehlate Hain
Is Par Phir Itraate Hain
Naam Tera Chillate Hain
Ya Jeelani Shaiallillah.

Gira...

Aye Shahinshahe Wilayath Mazhare Rabbe Qadeer
Ya Qutub Ya Ghousul Aazam Ya Wali Raushan Zameer
Haath Par Tere Bika Hoon Laaj Tere Haath Hai
Banda Am Dar Munda Am Justu Na Daaram Dastageer on
Daamane Umeed Ko Bhardo Gule Maqsood Se
Jaaunga Khaali Na Dar Se Aapke Peerane Peer
Bar Dare Dargaahe Waala Saailam Aye Aaftab
Khaatire Nashaad Ra Kun Shaad Ya Peerane Peer.

Jab Gardishon Ne Mera Girebaan Pakadliya
Maine Janabe Ghouse Ka Damaan Pakadliya.

Ya Ghouse Aazam Peerane Peer
Mazhare Haq Rehbare Jinno Bashar Ya Ghouse -E- Paak
Mai Fida Maa Baap Qurban Ghar Ka Ghar Ya Ghouse -E- Paak
Jab Pukara Aapko Mushkil Meri Aasan Hui
Sadqe Jaaun Naam Me Kya Hai Asar Ya Ghouse -E- Paak.

Sarfarazi Ka Talabgaar Hoon Shaiallillah
Bad Hoon Par Bandae Sarkar Hoon Shaiallillah
Aye Nigahe Karame Ghouse Mera Saath Na Chor
Tu Agar Gul Hai To Mai Khaar Hoon Shaiallillah.

Al Madad Bi Iznillah.

Murde Jilaaye Peerane Peer
Bigdi Banaye Peerane Peer
Gham Se Chudaye Peerane Peer
Apna Banaye Peerane Peer.

Gira...

Janabe Peer Sa Ab Koi Aaqa Ho Nahi Sakta
Ye Wo Aaqa Hai Jiska Misl Paida Ho Nahi Sakta.

Qasam Allah Ki Laakhon Saharon Ka Sahara Hai
Ghulame Ghouse -E- Aazam Be Sahara Ho Nahi Sakta.

Ye Sach Hai Bandagi Ka Ham Se Daawa Ho Nahi Sakta
Magar Sarkar Ka Banda Kisi Ka Ho Nahi Sakta.

Tumhare Haath Me Hai Faisla Mere Muqaddar Ka
Jo Tum Chaho To Mere Waaste Kya Ho Nahi Sakta.

Janabe Peer Ne Zimma Liya Hai Parda Poshi Ka
Mureed Unka Kisi Soorat Se Ruswa Ho Nahi Sakta.

Maze Ki Cheez Hai Kamil Muhabbat Ghouse -E- Aazam Ki
Nahi To Zindagi Me Lutf Paida Ho Nahi Sakta.

Muhabbat Ne Mere Daman Ko Baandha Kiske Daman Se
Mai Ek Banda Kamina Aur Wo Mehboobe Subhani.

Khayale Ghair Ki Aamad Ke Saare Raaste Roke
Teri Nisbath Ne Wo Pehre Bithaye Shahe Jilaani.

Rasoolallah Ka Sadqa Hamari Laaj Rakhlena
Idhar Bhi Ek Enayath Ki Nazar Ya Ghouse -E- Samdani.

Na Bhoolo Apne Kamil Ko Ye Tumpar Jaan Deta Hai
Ye Deewana Raha Hai Umr Bhar Ya
Gira...

Zameen Maili Nahi Hoti Zaman Maila Nahi Hota
Wilayat Jiske Man Me Ho Wo Man Maila Nahi Hota.

Ke Aaghoshe Lahad Me Bhi Badan Maila Nahi Hota
Shahe Jeelan Ke Aashiq Ka Kafan Maila Nahi Hota.

Gira...

Har Ek Mushkil Me Mai Ghousul Wara Ka Naam Leta Hoon
Yehi Hai Isme Aazam Aur Isi Se Kaam Leta Hoon
Musibath Me Na Poocho Kaun Mere Kaam Aata Hai
Wohi Bigdi Banate Hain Mai Jinka Naam Leta Hoon.

Wazifa Hai Yehi Mera Yehi Meri Ibadath Hai
Mere Sarkar Ka Mai Naam Subho Shaam Leta Hoon.

Girah...

Khud Peer Bhi Wali Bhi Hain Peerane Peer Bhi
Haq Ke Faqeer Bhi Hain Yaqeen Ke Ameer Bhi
Raushan Dilo Nigah Bhi Raushan Zameer Bhi
Qadir Bhi Mohiuddin Bhi Hai Aur Dastageer Bhi
Kabhi Kabhi To Koi Nawaze
Mera Ghouse Sada Nawaze.

Khaar Kya Gul Ke Paas Hote Nahi
Mai Bura Hoon Magar Tumhara Hoon.

Suraj Kiran Se Rishta Kabhi Tod'ta Nahi
Damane Ghouse Koi Wali Chorta Nahi.

Kaun Hai Kaun Mere Saamne Aane Waala
Ghouse -E- Aazam Hai Meri Laaj Bachane Waala.

Kaun Hai Mere Siwa Saahibe Taqdeer Aisa
Milgaya Mujhko Muqaddar Se Mera Peer Aisa.

Daqil Na Hogi Mushkilein Mujhko Yaqeen Hai
Ghar Me Jo Maine Ghouse Ka Jhanda Lagadiya.

Aapka Hokar Haal Tabah
Aao Madad ko Shahinshah
Chillata Hoon Shaam Subah
Ya Jeelani Shaiallillah.

Ek Taraf Shaitane Mareez
Ek Taraf Ye Nafse Paleed
Mujhko Nahi Hai Kuch Umeed
Tere Siwa Aye Aalijaah.

Kab Tak Ho Ye Aaho Buka
Mere Maraz Ki Karde Dawa
Ek Nazar Mere Maula
Haal Mera Hai Sakht Tabah.

Ho Na Madad Me Kuch Taqeer
Dushman Hai Bar Naao Peer
Kije Madad Ya Dastageer
Ghouse Aazam Shahinshah.

Mai Hoon Bura Par Tera Hoon
Hoon Ruswa Par Tera Hoon
Hoon Kya Kya Par Tera Hoon
Tera Hoon De Mujhko Panah.

Kuch Bhi Nahi Mujhme Taqwa
Sab Se Bura Hoon Sabse Bura
Tu Accha Hai Tu Accha
Abdul Qadir Shahinshah.

Mere Dil Me Himmat Ho
Door Ye Saari Kulfat Ho
Izzath Ho Aur Hurmat Ho
Paaun Muraade Khatir Khwaah.

Aapki Chashme Inayath Ho
Haal Pe Mere Rehmath Ho
Aap To Shaane Azmath Ho
Baadshahe Ba Takht -O- Kulaah.

Maana Hai Ye Sab Se Haqeer
Hasrate Aajiz Pur Taqseer
Tere Dar Ka Par Hai Faqeer
Ya Jeelani Shaiallillah.

Peer Mere Baghdadi
Mureed Saare Mulkon me
Nishan Unka Ghar Ghar Me
Shehzade Rasoolallah.

Teri Nazar Hai Rehmani
Kardo Mushkil Aasani
Aao Madad Ko Ya Peeran
Nayebe Rasoolallah.

Noor Ki Chadar Sar Par Ho
Ghouse Ka Jhanda Ghar Par Ho
Ham Sab Unke Dar Par Hon
Unki Rehmat Ham Par Ho.

Aapki Surath Noorani
Aapki Seerath Laa Saani
Aapki Duniya Deewani
Abdul Qadir Shahinshah.

Jald Bulalije Baghdad
Kijiye Is Nashaad Ko Shaad
Bigdi Banegi Unse Zara Lau Lagaiye
Kya Dabe Jispe Himayath Ka Ho Panja Tera
Sher Ko Khatre Me Laata Nahi Kutta Tera.

Aye Shouq Apne Ghouse Pe Qurban Jaaiye.

Ya Jeelani Shaiallillah (Hz Hasrath Rh)