Jazbe Shaahe Ambiya Shehzadi -E- Kaunain Hain

Jazbe Shaahe Ambiya Shehzadi -E- Kaunain Hain (Hz Khwaja Shouq Rh)

Kalaam of Khwaja Shouq

Jazbe Shaahe Ambiya Shehzadi -E- Kaunain Hain
Mustafai Aayina Shehzadi -E- Kaunain Hain.

Markaze Aale Abaa Shehzadi -E- Kaunain Hain
Deen -O- Imaan Ki Jila Shehzadi -E- Kaunain Hain.

Aalame Niswaniyath Ki Aabru Kaunain Me
Sayyada Khairun Nisa Shehzadi -E- Kaunain Hain.

Raushni Chanti Hai Jisse Jalwaye Min Noor Ki
Aisi Tatheeri Rida Shehzadi -E- Kaunain Hain.

Khoone Khatmul Mursaleen Jinki Ragon Me Hai Rawaan
Wo Batool -O- Fatima Shehzadi -E- Kaunain Hain.

Surat -O- Seerath Me Andaaz -O- Adaa Me Shaan Me
Mustafa Hi Mustafa Shehzadi -E- Kaunain Hain.

Milte Hain Ma'ane Jahan Quran Ke Alfaaz Ko
Wo Gharana Noor Ka Shehzadi -E- Kaunain Hain.

Faiz Ka Maqzan Hai Unki Zaat Kitnon Ke Liye
Silsila Dar Silsila Shehzadi -E- Kaunain Hain.

Zumra -E- Laa Yahzunoon Me Jitni Bhi Hain Hastiyan
Un Sabhoon Ki Walida Shehzadi -E- Kaunain Hain.

Mai Kahan Shayaan -E- Shaan Alfaaz Midhath Ke Liye
Fikr Se Bhi Maawra Shehzadi -E- Kaunain Hain.

Jinke Qadmon Tak Rasaayi Auliya Ki Bhi Nahi
Shouq Wo Aynil Haya Shehzadi -E- Kaunain Hain.

Kiya Jo Wirde Zubaan Tera Naam Ya Zahra
Ruka Kabhi Na Koi Mera Kaam Ya Zahra.

Malaika Hain Khade Ba Adab Tere Dar Par
Hai Ambiya Me Tera Ehteraam Ya Zahra.

Azal Se Likhdiya Khaliq Ne Daste Qudrath Se
Jabeene Waqt Pe Tera Dawaam Ya Zahra.

Maqaame Mariyam -O- Hawwa Bhi Hai Baja Lekin
Tera Maqaam Hai Tera Maqaam Ya Zahra.

Teri Zubaan Hai Ummul Kitaab Ki Kunji
Tera Kalaam Hai Ummul Kalaam Ya Zahra.

Hasan Se Leke Zahoor -E-
Janabe Mehdi Tak
Tere Nasab Se Hain Ye Sab Imaam Ya Zahra.

Har Ek Saans Se Aati Thi Mustafa Ki Mehek
Teri Hayaath Pe Laakhon Salaam Ya Zahra.

Aayega Koi Duniya Me Ab Nabi Hokar
Chalega Ab Tere Baba Ka Naam Ya Zahra.

Mile Mujhe Bhi Hussain -O- Hasan Ke Sadqe Me
Chale Jo Hashr Me Kausar Ka Jaam Ya Zahra.

Ghuroob Hoke Bhi Ek Chandni Si Chor Gaya
Hussain Wo Tera Maahe Tamaam Ya Zahra.

Huzoor Aayen Lahad Me To Behre Isteqbaal
Uthun Mai Lete Hue Tera Naam Ya Zahra.

Zubaan Pe Zikr Hai Tera Nabi Ke Zikr Ke Saath
Durood Unpe Ho Tujhpar Salaam Ya Zahra.

Gyarveen Se Hamein Isliye Bhi Nisbath Hai
Ke Teri Aal Hain Gyaarah Imaam Ya Zahra.

Naseer Behre Saqa Kul Agar Ghalat Hai Nida
To Kyun Pukaarte Khairul Anaam Ya Zahra.

Kyun Kar Na Ho Miyaar -E- Saqa Fatima Zahra
Hai Dukhtare Mahboobe Khuda Fatima Zahra.

Hai Noore Muhammad Ba Khuda Fatima Zahra
Mehshar Me Hai Rehmath Ki Ghata Fatima Zahra.

Maadar Hai Wo Zainab
Ki Hussain Aur Hasan Ki
Hai Aale Muhammad Ki Rida Fatima Zahra.

Poocha Jo Kisi Ne Ke Hai Khatoone Jina Kaun
Aahista Se Rizwan Ne Kaha Fatima Zahra.

Naam Unka Hai Ikseer Paye Radde Balaiyyaath
Hai Dard Ki Mere Bhi Dawa Fatima Zahra.

Ausaafe Hameeda Me Wo Mumtaz Hain Sabse
Hai Jumla Khawateen Se Juda Fatima Zahra.

Deti Hai Wafa -E- Hasanain Iski Shahadath
Har Lamha Thin Raazi Ba Raza Fatima Zahra.

Ab To Hai Naseer Unse Aqidath Ka Ye Aalam
Har Haal Me Hai Wird Mera Fatima Zahra.

Ek Ek Nazar Haamile Sad Lutfo Karam Hai
Hain Warise Faizan -O- Ataa Fatima Zahra.

Mangton Ko Jo Mila Hai Zahra Teri Gali Me