Kitna Azeem Tha Wo Nawasa Rasool Ka.

Be Misl Hai Kya Shaukat -E- Ranaayi Hai
Khaliq Bhi Fida Khalq Bhi Shaidaayi Hai
Khaliq Ne Muhabbat Ke Niraale Rukh Se
Sarkar Ke Chehre Ki Qasam Khaayi Hai.

Khud Hi Khudaye Paak Hai Shaida Rasool Ka.

Noore Khuda Hai Husne Sarapa Rasool Ka
Gira...

Lab Noor, Jabeen Noor
Dahan Noor, Nazar Noor.

Gesu Ki Chamak Noor, Amaame Ki Damak Noor
Sar Se Paa Tak Noor Unka Sab Gharana Noor Ka
Unki Nasle Paak Me Hai Baccha Baccha Noor Ka.

Do Jahan Ka Noor Muhammad Ke Roop Me
Allah Ka Zahoor Muhammad Ke Roop Me.

Hai Khaak Ka Ghar Khaak Magar Noor Ka Ghar Noor.

Takhleeq Karke Aapko Allah Ne Kaha
Mera Habeeb Meri Tarah Lajawaab Hai.

Ye Aasman Ye Chand Sitaare Unhi Se Hain
Jitni Hai Gul Nasheen Nazaare Unhi Se Hain.

Teeson Kalaame Paak Ke Paare Unhi Se Hain
Takhleeq -E- Kayenath Hai Sadqa Rasool Ka.

Jab Kuch Nahi Tha Sirf Khuda Hi Ki Zaat Thi
Uss Din Ka Tha Wajood Na Maujood Raat Thi
Jeene Ka Tazkira Tha Na Marne Ki Baat Thi
Uss Waqt Bhi Tha Noore Mujalla Rasool Ka.

Hazrath Umar Ki Dekhiye Taqdeer Yoon Bani
Nikle The Qatl Karne Ki Niyyath Se Jis Ghadi
Talwaar Chut Ke Haathon Se Qadmon Me Gir Padi
Dekha Unhone Jab Rukhe Zeba Rasool Ka.

Aati Hai Jab Ye Baat Hamare Khayaal Me
Milta Nahi Hai Waqiya Koi Misaal Me
Kya Maujza Hua Hai Ke Teyees Saal Me
Saare Jahan Ne Padhliya Kalma Rasool Ka.

Pal Bhar Me Jaise Wo Bhi Koi Maujza Hua
Noore Khuda Hai Husne Sarapa (NFAK)
Hairath Se Aasman Use Dekhta Raha
Saara Ghuroor Qil'a -E- Khaibar Ka Mitgaya
Jab Murtaza Ko Milgaya Jhanda Rasool Ka.

Aisi Misaal De Na Sakegi Ye Kayenaath
Jaan Di Diya Na Daste Yazeedi Me Apna Haath
Khud Bhi Hua Shaheed Bahattar Ke Saath Saath
Kitna Azeem Hai Wo Nawasa Rasool Ka.