Wo Maula Ali Maula Ali Hai

Wo Maula Ali Maula Ali Hai

Wo Jis Ke Liye Kaabe Ki Deewar Kati Hai
Khushbu -E- Nabi Jiske Waseele Se Mili Hai
Duniya Me Wilayath Ki Sham'a Jis Se Jali Hai
Wo Maula Ali Maula Ali Maula Ali Hai.

Farmaya Nabi Ne Jaise Haroon Hai Mera
Hai Jiske Sar Pe Fatima Ke Naam Ka Sehra
Firdaus Jiske Naaz Uthane Me Lagi Hai
Wo Maula Ali Maula Ali Maula Ali Hai.

Mehman Jiske Ghar Me Jibraeel Hue Hain
Parwaane Jiske Sahibe Tazeem Hue Hain
Chahat Me Jiski Daulate Imaan Mili Hai
Wo Maula Ali Maula Ali Maula Ali Hai.

Chehre Ko Jiske Dekhna Beshak Hai Ibadath
Hai Zikr Jiska Mominon Imaan Ki Taqat
Duniya Me Jis Ke Jaisa Na Saani Koi Bhi Hai
Wo Maula Ali Maula Ali Maula Ali Hai.

Chalte Hain Jiski Raah Pe Islam Ke Ghaazi
Baatil Ki Kamar Tod'te Hain Jiske Sipaahi
Lashkar Me Jiske Doston Har Ek Wali Hai
Wo Maula Ali Maula Ali Maula Ali Hai.

Mehboobe Khuda Jaane Nabi Rashke Sahaba
Mushkil Me Jisko Aapne Har Waqt Pukaara
Wo Jiske Sar Pe Chadar -E- Tat'heer Tani Hai
Wo Maula Ali Maula Ali Maula Ali Hai.

Allah Ke Nabi Ne Jise Bistar Pe Sulaaya
Khaibar Me Jiske Haath Me Parcham Ko Thamaya
Khandaq Me Abde Wad Ko Saza Jisne Hi Dee Hai
Wo Maula Ali Maula Ali Maula Ali Hai.

Hai Shehr Nabi Ilm Ka Darwaza Ali Hai
Ghamkhwar -E- Nabuwwath Ka Wo Shehzaada Ali Hai
Wo Jiski Fazilath Ki Koi Had Hi Nahi Hai
Wo Maula Ali Maula Ali Maula Ali Hai.

Aankhon Me Mere Uhad Ka Phirta Hai Nazaara
Dushman Ka Jhund Aaqa Ke Itraaf Hai Saara
Talwaal Jiski Dushmanon Ko Kaat Rahi Hai
Wo Maula Ali Maula Ali Maula Ali Hai.

Aankhein Jo Khuli Duniya Me Sarkar Ko Dekha
Rihlath Ke Waqt Me Jise Sarkar Ne Dekha
Aankhon Me Mustafa Ke Jiska Chehra Haseen Hai
Wo Maula Ali Maula Ali Maula Ali Hai.

Ailaan -E- Wilayath Se Hua Deen Mukammal
Khushbu -E- Nabuwwath Mili Jis Zaat Ke Andar
Aaqa Ke Noor Se Hi Jiski Zaat Bani Hai
Wo Maula Ali Maula Ali Maula Ali Hai.

Mangta Hoon Jiske Dar Ka Hoon Mai Jiska Bhikari
Maula Ali Kehti Hai Jise Saari Khudayi
Hai Aasman Nazeer Jiska Jiski Zameen Hai
Wo Maula Ali Maula Ali Maula Ali Hai.

Wo Maula Ali Maula Ali Hai