Khwaja -E- Khwajgaan Khwaja Hindal Wali

Charaghe Anjumane Mustafa Ghareeb Nawaz
Bahare Gulshane Mushkil Kusha Ghareeb Nawaz
Suno Suno Mere Hajaath Rawa Ghareeb Nawaz
Mai Deraha Hoon Sada Par Sada Ghareeb Nawaz.

Ho Karam Ki Nazar Chisht Ke Taajwar

Sayyadul Auliya Nayebe Mustafa
Qiblaye Aashiqan Khwaja Hindal Wali.

Sab Ka Tu Aasra Ham Hain Tere Gada
Sab Ko Khairat De Sadqaye Mustafa
Ham Khata Hi Khata Tu Ataa Hi Ataa
Ham Kahan Tu Kahan Khwaja Hindal Wali.

Tu Daleele Wilayath Ki Tanveer Hai
Tu Muhammad Ke Jalwon Ki Tafseer Hai
Tu Khuda Ki Ataa Aur Khuda Ki Qasam
Hai Khuda Ka Nishan Khwaja Hindal Wali.

Aasra Hai Ghareebon Ka Dar Aapka
Sajda Gaahe Jahan Sange Dar Aapka
Hai Nishane Haram Hai Jabeen Ka Bharam
Aapka Aastan Khwaja Hindal Wali.

Ho Karam Ki Nazar Chisht Ke Taajwar