Waseele Jitne Hain Sabka Waseela

Waseele Jitne Hain Sabka Waseela (Hz Madani Sharfi Sahab)

Kalaam of Madani Sharfi

Waseele Jitne Hain Sabka Waseela Ghouse -E- Aazam Hain
Sahare Jitne Hain Sabka Sahara Ghouse -E- Aazam Hain.

Pareshani Me Mushkil Me Musibat Aur Rahaat Me
Hamein Ab Fikr Kya Apna Sahara Ghouse -E- Aazam Hain.

Abu Bakr -O- Umar Usman Ali Aur Fatima Hasnain
Khuda Shaahid Hai In Sabka Nazaara Ghouse -E- Aazam Hain.

Ye Miljayein To Samjho Shehre Wehdath Milgaya Tumko
Yaqeenan Behre Wehdath Ka Kinara Ghouse -E- Aazam Hain.

Meri Tanhayi Me Sarkar Mere Saath Rehte Hain
Nahi Jo Dekh Sakte Mujhko Tanha Ghouse -E- Aazam Hain.

Zarurath Hi Nahi Padhti Kisi Ke Dar Pe Jaane Ki
Jo Ghar Baithe Mujhe Dete Hain Sadqa Ghouse -E- Aazam Hain.

Hafeezul Quadri Se Ek Khuda Waale Ne Farmaya
Hamari Zindagani Ka Sahara Ghouse -E- Aazam Hain.

Waseele Jitne Hain Sabka Waseela (Hz Madani Sharfi Sahab)