Hawa Ki Khushbu Bata Rahi Hai

Na Aisi Zulfein Na Aisa Chehra
Na Yoon Kisi Pe Shabab Hoga
Jawab Honge Sabhi Ke Lekin
Na Mustafa Ka Jawab Hoga.

Hawa Ki Khushbu Bata Rahi Hai
Woh Zulf Apne Sajaa Rahe Hain
Sawaari Taiba Se Chal Padi Hai
Huzoor Tashreef Laa Rahe Hain.

Dilon Ke Gulshan Mehek Rahe Hain
Ye Kaif Kyun Aaj Chaaraha Hai
Kuch Aisa Mehsoos Horaha Hai
Huzoor Tashreef Laa Rahe Hain.

Gira....

Chargh Bazm Ke Sab Jagmagane Waale Hain
Adab Se Baithiye Sarkar Aane Waale Hain.

Karam Ke Baadal Baras Rahe Hain
Dilon Ki Kheti Hari Bhari Hai
Ye Kaun Aaya Ke Zikr Jiska
Nagar Nagar Hai Gali Gali Hai.

Nigahe Rehmath Uthi Hui Hai
Wo Sab Ki Bigdi Bana Rahe Hain
Khula Hua Hai Kareem Ka Dar
Bhare Khazane Luta Rahe Hain.

Falak Ka Seena Damak Raha Hai
Zameen Ka Gulshan Mehek Raha Hai
Chide Hai Salle Alaa Ke Naghme
Huzoor Tashreef La Rahe Hain.

Kahi Pe Mehfil Hai Mehkasho Ki
Kahi Pe Mehfil Hai Dil Jalo Ki
Ye Kitne Khushbakht Hain Jo Apne
Nabi Ki Mehfil Sajaa Rahe Hain.

Na Paas Bhi Ho To Soona Saawan
Woh Jis Pe Raazi Wohi Suhaagan
Jinho Ne Thaama Nabi Ka Daaman
Unhi Ke Ghar Jagmagaa Rahe Hain
Nabi Ke Ghar Ki Na Poocho Azmath
Ye Ghar Anokha Hai Sab Se Nasir
Nabi Ki Zahra Ke Dar Pe Khudsi
Bhi Sar Jhukaaye Khade Hue Hain.

Gira...

Koi Mere Mehboob Sa Duniya Me Nahi Hai
Baitha Hai Chataayi Pe Magar Arsh Nasheen Hai.

Hawa Ki Khushbu Bata Rahi Hai