Yahan Sab Quadri Hain Quadri

Yahan Sab Quadri Hain Quadri (Hz Saif Sharfi Rh)

Kalaam of Saif Sharfi

Yahan Sab Quadri Hain Quadri Sarkar Hojaye
Nigahein Khaas Inpar Sayyadi Ek Baar Hojaye.

Mureedi Latakhaf Kya Hai Zamanat Hai Ye Baqshish Ki
Ghulame Ghouse Banjaun To Beda Paar Hojaye.

Karishma Kya Kahun Allahu Akbar Un Nigahon Ka
Agar Veerane Pe Padhjaaye To Gulzaar Hojaye.

Yadullah Fauqa Aydeehim Ka Maqsad Saaf Zaahir Hai
Khuda Se Bandagi Ka Phir Naya Iqraar Hojaye.

Yaqeenan Jalwa -E- Khairul Wara Usko Mayassar Ho
Jise Bhi Ghouse -E- Aazam Peer Ka Deedar Hojaye.

Ajab Shaane Maseehayi Mili Hai
Ghouse -E- Aazam Ko
Tane Be Jaan Ko Khum Kehde To Bedaar Hojaye.

Ussi Ko Ran Me Jaane Ki Ijazat Mustafa Ne Di
Dikhane Saif Ke Jauhar Ko Jo Taiyyar Hojaye.

Yahan Sab Quadri Hain Quadri (Hz Saif Sharfi Rh)