Rasoole Paak Ke Ghar Ka Pata

Rasoole Paak Ke Ghar Ka Pata (Sardaar Saleem Sahab)

Rasoole Paak Ke Ghar Ka Pata Khatoone Jannat Hain
Khuda Ko Dhoondne Ka Raasta Khatoone Jannat Hain.

Ke Jaise Tapte Registaan Me Barsaat Ka Manzar
Ke Jaise Dhoop Me Saaya Ghana Khatoone Jannat Hain.

Ke Jaise Khaarzaron Me Mehekta Phool Ho Koi
Ke Jaise Zulmaton Me Ek Diya Khatoone Jannat Hain.

Wo Chakki Peesti Hain To Mujhe Mehsoos Hota Hai
Ke Jaise Qasime Rizq -O- Ataa Khatoone Jannat Hain.

Hain Sar Taa Paa Khadija Hi Khadija Rakh Rakhao Me
Mizajan Mustafa Hi Mustafa Khatoone Jannat Hain.

Hain Unke Waaste Aizaaz Sardaran Jannat Ka
Wo Shehzaade Ke Jinki Walida Khatoone Jannat Hain.

Khuda Ke Noor Ka Purto Rasoole Paak Ki Surat
Rasoole Paak Ke Rukh Ki Ziya Khatoone Jannat Hain.

Saleem Unko Agar Hai Dekhna To Dekhlo Unko
Ke Mere Mustafa Ka Aayina Khatoone Jannat Hain.

Sarapa Zindagi Akse Nabuwwat