Tu Mazhare Shahe Bat'ha Hai Ya Ghareeb Nawaz

Tu Mazhare Shahe Bat'ha Hai Ya Ghareeb Nawaz

Tu Mazhare Shahe Bat'ha Hai Ya Ghareeb Nawaz
Tu Faqre Fatima Zahra Hai Ya Ghareeb Nawaz.

Sagaane Duniya Se Karde Jo Be Niyaaz Hamein
Wo Tere Dar Ka Utaara Hai Ya Ghareeb Nawaz.

Tapishe Hashr Me Meri Najaat Ko Kaafi
Teri Nazar Ka Ishara Hai Ya Ghareeb Nawaz
Na Zaade Raah Na Husne Amal Hai Paas Mere
Bas Ek Tera Sahara Hai Ya Ghareeb Nawaz.

Andheri Qabr Me Tanha Na Chorna Khwaja
Tera Ghareeb Akela Hai Hai Ya Ghareeb Nawaz.

Teri Nigahe Inayath Mere Khuda Ki Qasam
Meri Najaat Ka Zariya Hai Ya Ghareeb Nawaz.

Dile Siyaah Ko Meraj Ke Tu Kar Raushan
PGunahgaar Ye Tera Hai Ya Ghareeb Nawaz.

Na Taalna Kabhi Meraj Ko Tere Dar Se
Ye Dar Pe Door Se Aaya Hai Ya Ghareeb Nawaz.

Tu Mazhare Shahe Bat'ha Hai Ya Ghareeb Nawaz