Huzoor Ki Yaad Phir Agar Ho

Huzoor Ki Yaad Phir Agar Ho (Hz Layeeq Rh)

Kalaam of Layeeq

Huzoor Ki Yaad Phir Agar Ho
To Sar Se Hazir Ghulam Hoga
Nazar Ke Sajdon Ki Nazr Hogi
Durood Hoga Salaam Hoga.

Amal Ki Jis Din Jaza Milegi
Jaza Ka Jab Intezam Hoga
Ajeer Phir Bhi Ajeer Hoga
Ghulam Phir Bhi Ghulam Hoga.

Abhi Wo Chahein To Ek Nazar Me
Hamari Duniya Badal Ke Rakhden
Unhi Pe Ham Sab Ki Hai Nigahein
Unhi Se Poora Ye Kaam Hoga.

Huzoor -E- Aqdas Ke Dar Ke Qaabil
Agar Nahi Sar Kisi Ko Haasil
Nazar Ke Sajdon Ko Kisne Roka
Jabeen Ka Sajda Haraam Hoga.

Hamari Jo Kuch Bhi Zindagi Hai
Wo Hamko Ishqe Nabi Ne Dee Hai
Unhi Pe Mar Mar Ke Jeerahe Hain
Unhi Pe Marne Se Kaam Hoga.

Ghalat Nahi Hai Agar Kahun Mai
Wo Saath Mere Mai Saath Unke
Layeeq Ma'a Man Ahab Ke Farman
Me Kya Kisi Ko Kalaam Hoga.

Huzoor Ki Yaad Phir Agar Ho (Hz Layeeq Rh)