Charaghe Khanaye Zahra - O- Haidar

Charaghe Khanaye Zahra - O- Haidar (Hz Hasrath Rh)

Kalaam of Hasrath

Charaghe Khanaye Zahra -O- Haidar Qutbe Rabbani
Gule Shadabe Gulzaare Muhammad Ghouse -E- Samdani.

Bohot Dhoonda Na Paaya Misl Tera Saari Duniya Me
Teri Surat Hai Laa Saani Teri Seerat Hai Laa Saani.

Wilayath Jisko Milti Hai To Milti Hai Tere Dar Se
Musallam Hogayi Tere Liye Baatin Ki Sultani.

Tumhara Naam Lewa Hoon Tumhara Dar Na Chorunga
Gadaayi Kaam Hai Mera Tumhein Zeba Jahan Baani.

Mere Sar Par Se Chut Jaayein Ghatayein Ranjo Aafat Ki
Madad Ya Ghouse -E- Aazam Door Ho Meri Pareshani.

Teri Chashme Inayath Ghouse -E- Aazam Ham Pe Hojaye
Mere Chaaron Taraf Hai Bekasi Be Saazo Saamani.

Tasawwur Se Tumhare Zulmate Dil Door Hoti Hai
Ziya Paash -O- Ziya Gustar Tumhara Rooe Noorani.

Palat Kar Bhi Salateene Jahan Ko Dekhta Kab Hai
Magan Hai Apni Kamli Me Gadaye Shaahe Jeelani.

Misaale Aasman Sar Par Mureedon Ke Tera Panja
Tu Har Ek Baat Par Qadir Hai Ya Mehboobe Subhani.

Tere Zere Qadam Gardan Khameedah Auliya Allah
Musallam Hai Tamaam Aqtaab Me Teri Sulaimani.

Ghulame Dargahe Ghouse -E- Mukarram Hasrath -E- Miskeen
Ilaahi Door Ho Tere Karam Se Sab Pareshani.

AAHFN
Do Aalam Me Hai Jalwagar Ghouse -E- Aazam