Tere Dayaar Ke Ehsaan Bhoolte Hi Nahin

Tere Dayaar Ke Ehsaan Bhoolte Hi Nahin

Tere Dayaar Ke Ehsaan Bhoolte Hi Nahin
Inayathon Ke Wo Samaan Bhoolte Hi Nahin.

Wo Jaliyan Wo Dareeche Wo Mimbar -O Mehrab
Wo Dar Wo Rauza Wo Darbaan Bhoolte Hi Nahin.

Jabeen Pe Noor Nazar Me Adab Dilon Me Gudaaz
Hareem -E- Naaz Ke Mehmaan Bhoolte Hi Nahin.

Ba Waqte Izne Huzoori Wo Aansuon Ki Tadap
Wo Aarzuen Wo Armaan Bhoolte Hi Nahin.

Malaika Bhi Ye Jannat Me Jaake Kehte Hain
Ke Uss Nagar Ke Khayabaan Bhoolte Hi Nahin.

Nazar Badalgayi Manzar Badalgaye Saare
Teri Nigaah Ke Faizaan Bhoolte Hi Nahin.

Jo Parda Parda Farozaan Hue Tere Dar Par
Rumooze Haq Ke Wo Irfaan Bhoolte Hi Nahin.

Tere Hote Janam Liya Hota
Phir Kabhi To Tujhe Mila Hota.

Kaash Mai Sange Dar Tera Hota
Tere Qadmon Ko Chooliya Hota.

Too Chala Karta Meri Palkon Par
Kaash Mai Tera Raasta Hota.

Zarra Hota Mai Teri Raahon Ka
Tere Qadmon Ko Choomta Hota.

Ladta Phirta Tere Aduvvon Se
Teri Khatir Mai Margaya Hota.

Tere Maskan Ke Gird Shaamo Sahar
Banke Mangta Mai Ghoomta Hota.

Tu Kabhi To Meri Qabar Leta
Tere Koonche Me Ghar Kiya Hota.

Too Jo Aata Mere Janaze Par
Tere Hote Mai Margaya Hota.

Chor Kar Jannatein Palat Aata
Tu Meri Qabr Par Khada Hota.

Pani Hota Tere Wazu Ka Mai
Tere Qadmon Se Behgaya Hota.

Mangta Hota Teri Gali Ka Mai
Tujhko Tujhse Hi Maangta Hota.

Hota Tahir Tere Faqeeron Me
Teri Dehleez Par Pada Hota....

UMMU
Teri Dehleez Par Pada Hota.

Tere Qurban Pyaare Muhammad
Girraha Hoon Mujhe Bhi Sambhalo
Apne Pyaare Nawason Ka Sadqa
Ya Nabi Meri Jholi Me Daalo.