Alfaaz Nahi Milte Sarkar Ko Kya Kahiye

Alfaaz Nahi Milte Sarkar Ko Kya Kahiye

Alfaaz Nahi Milte Sarkar Ko Kya Kahiye
Jibreel Salaami Den Darbaar Ko Kya Kahiye.

Akhlaaq -E- Muhammad Ki Kya Shaan Niraali Hai
Dushman Bhi Padhe Kalma Kirdar Ko Kya Kahiye.

Aye Toor Tujhe Shayad Ye Baat Na Bhooli Ho
Israar Ko Kya Kahiye Inkaar Ko Kya Kahiye.

Bas Ek Palak Jhapki Meraj Hui Poori
Uss Sahibe Rif'ath Ki Raftaar Ko Kya Kahiye.

Wo Ghaar Ke Jisne Ek Tareeq Banayi Hai
Uss Ghaar Ko Kya Kahiye Uss Yaar Ko Kahiye.

Ek Ek Sahabi Par Firdous Bhi Nazaan Hai
Siddiq Umar Usman Karrar Ko Kya Kahiye.

Nazmi Teri Naaton Ka Andaaz Niraala Hai
Mazmoon Anokhe Hain Ash'aar Ko Kya Kahiye.

Mujhe Aaraishon Se Paak Karde
Mujhe Kuch Bhi Nahi Darkaar Ya Rab
Ghulame Sayyade Laulaak Karde.

Ye Rukh Dayaare Haram Se Badal Nahi Sakta
Khayaal Dil Se Nabi Ka Nikal Nahi Sakta
Dare Huzoor Se Hargiz Mai Tal Nahi Sakta
Faqeer Ghair Ke Tukdon Pe Pal Nahi Sakta.

Jise Ishqe Nabi Haasil Nahi Hai
Munawwar Uss Bashar Ka Dil Nahi Hai
Na Ho Jisme Shahe Bat'ha Ki Izzath
Qasam Allah Ki Wo Dil Nahi Hai.

Be Misl Hai Kya Shaukat -E- Ranaayi Hai
Khaliq Bhi Fida Khalq Bhi Shaidaayi Hai
Khaliq Ne Muhabbat Me Niraale Rukh Se
Sarkar Ke Chehre Ki Qasam Khaayi Hai.

Allah Ne Kaisa Shahe Zeeshan Banaya
Sarkar Ko Kaunain Ka Sultan Banaya.

Girah...

Surath Ko Unki Dekh Ke Kuch Mu Se Na Nikla
Nikla To Bas Ye Nikla
Allah Ne Kaisa...

Udhar Rukh Se Ahmad Ne Parda Uthaaya
Idhar Shaayaron Ne Qalam Tod Daale.

Be Parda Hua Jab Rukhe Tabaane Muhammad
Khursheed Ne Mu Dhaamp Liya Sharm Ke Maare.

Ishqe Shahe Batha Ko Dilo Jaan Banaya
Baqshish Ke Liye Hamne Ye Samaan Banaya.

Yoon Ishq Kiya Rab Ne Hai Mehboob Se Apne
Ishqe Nabi Hi Meri Pehchaan Hogaya
Tareef Me Sarkar Ki Quran Banaya.

Aye Rehmate Aalam Mai Teri Den Ke Sadqe
Mangton Ko Tere Faiz Ne Sultan Banaya.

Allah Bhi Karta Hai Sada Jiski Tilawath
Chehre Ko Muhammad Ke Wo Quran Banaya.

Girah...

Baqshish Ka Meri Dekhiye Samaan Hogaya.

Allah Ne Kaisa Shahe Zeeshan Banaya