Man Kunto Maula

Man Kunto Maula (NFAK)

Man Kunto Maula
Fa Aliyun Maula.

Hue Kaabe Me Paida Aur Shahadat Paayi Masjid Me
Khuda Ke Ghar Ka Wo Malik Bashar Yoon Bhi Hai Aur Yoon Bhi.

Kahe Jinko Nabi Man Kunto Maula Lahm Ka Lahmi
Nabi Ka Wo Wasi Al Muqtasar Yoon Bhi Hai Aur Yoon Bhi.

Marhab Ka Qatl Bhi Khaibar Me Koi Qatl Tha
Pheka Tha Zulfiqar Ka Sadqa Utaar Ke.

Zahe Izzo Jalaale Bu Turaabe Faqre Insaane
Ali -E- Murtaza Mushkil Kusha Shere Yazdane.

Tan Par Ali Ali Ho Zubaan Par Ali Ali
Marjaun To Kafan Pe Bhi Likhna Ali Ali.

Hamara Kaam Hai Ali Ka Naam Lene Ka
Ali Ka Kaam Hai Girton Ko Thaam Lene Ka.

Dono Imaam Khalq Ke Hajath Rawa Hue
Mushkil Kusha Ke Bete Bhi Mushkil Kusha Hue.

Zamane Bhar Ke Maula Hain To Bas Ye Teen Maula Hain
Janabe Kibriya Maula Nabi Maula Ali Maula.

Maidaan Me Aagaye Ho To Phir Khul Ke Baat Ho
Mai To Ali Ke Saath Hoon Tum Kiske Saath Ho.

Chalo Phir Milke Zikre Haidare Karrar Karte Hain
Zameen Par Baithke Jannat Ka Karobaar Karte Hain.

Mehrab Me Ali Hai To Mimbar Pe Bhi Ali
Kaaba Gawah Doshe Payambar Pe Bhi Ali
Har Jaa Ali Milenge Na Daman Bachaiye
Bachna Ali Se Ho To Jahannam Me Jaiyye.

Bane Soofi Jazbaat Me Dhalne Waale
Qalandar Bane Ishq Me Jalne Waale
Qutub Bangaye Ranjo Gham Sehne Waale
Nabi Hai Ali Ko Wali Kehne Waale
Wali Bangaye Ya Ali Kehne Waale.

Ali Ka Ishq Muqaddar Sawaar Deta Hai
Ali Ka Bughz To Chehre Bigaad Deta Hai
Tu Unke Zikr Ko Adna Na Samajh Aye Munkir
Ali Ek Haath Se Khaibar Ukhaad Deta Hai.

Jise Ali Ki Wilayat Ka Ehteraaf Nahi
Woh Laakh Sajde Kare Ye Gunaah Maaf Nahi
Hai Tan Pe Jaamaye Ehraam Dil Me Bughze Ali
Tere Naseeb Ka Chakkar Hai Ye Tawaaf Nahi.

Lahad Me Tazkiraye Bu Turaab Kardunga
Sawaal Koi Bhi Ho Lajawaab Kardunga
Mere Gunah Zyada Hain Aye Farishton Magar
Ali Ko Aane Do Saara Hisaab Kardunga.

Lakhon Ke Lashkar Me Bhi Jo Tanha Dikhayi De
Jis Shaqs Ki Tanhaayi Me Lashkar Dikhayi De
Tareeq Me Ek Aur Imaam Aisa Batado
Chadar Jo Odhle To Payambar Dikhayi De.

Har Qalb Ali Jism Ali Jaan Ali Hai
Mujh Besaro Samaan Ka Samaan Ali Hai
Imaan Ki Mutlashiya Imaan Ki Kehdoon
Imaan To Ye Hai Mera Imaan Ali Hai.

Ali Ke Naam Se Toofan Bhi Khauf Khaate Hai
Jinhe Yaqeen Nahi Wo To Doob Jaate Hain
Farishte Qabr Me Kuch Aur Poochte Hi Nahi
Zubaan Pe Naame Ali Sunke Laut ke rck Rajini Hain.

Misaal Zaate Ali Si Mili Nahi Koi
Ali Ke Aage Hukoomat Chali Nahi Koi
Samandaron Me Nahi Aisa Doosra Moti
Sahaba Laakhon Hain Lekin Ali Nahi Koi.

Sab Se Siwa Tareeq Me Rutba Ali Ka Haii
Nisbath Mili Jo Peer Ki Sadqa Ali Ka Hai
Khaibar Ka Kaampjana Hai Apni Jagah Magar
Jo Arsh Ko Hilaade Wo Naara Ali Ka Hai.

Nabi Ki Maarifat Beshak Dare Haidar Se Milti Hai
Ye Daulat Jiske Ghar Ki Hai Usi Ke Ghar Se Milti Hai
Padhaane Aaye Ho Jibreel Iqra Ka Sabaq Kisko
Farishton Ko Bhi Khud Taleem Unke Ghar Se Milti Hai.

Farishton Aao Poocho Mujhse mai Peshi Me Rehta Hoon
Hai Malik Ghar Ka Kaisa Ye Qabar Naukar Se Milti Hai
Ba Andaze Tariqat Kuch Qabar Khayi Maqami Ki
Shabe Hijrat Rasoolallah Ke Bistar Se Milti Hai.

Gira....

Dara Dil Dara Dil Daare Daani
Enter into the heart,
Enter into the heart,
Melt therein, You and me
Sing inside in sweet melody
Jannat Ali Ki Milk Hai Kausar Pe Bhi Ali
Hijrath Ki Shab Huzoor Ke Bistar Pe Bhi Ali.

Khandaq Uhud Hunain To Khaibar Me Bhi Ali
Man Kunto Maula (UNFAK)