EJAS

Hikmath Umar Ki Aur Firasath Umar Ki Hai
Jurrath Umar Ki Aur Adalath Umar Ki Hai.

Shaitan Bhaag Jaata Hain Aajayein Jis Jagah
Wo Dabdaba Wo Shaane Shuja'ath Umar Ki Hai.

Ta Rauze Hashr Ho Nahi Sakta Wo Sar Buland
Gustakhe Mustafa Pe To Laanat Umar Ki Hai.

Dukhtar Umar Ki Zaujaye Khatmur Rusul Banin
Sarkare Do Jahan Se Quraabat Umar Ki Hai.

Khaisar Ne Aur Kisraa Ne Sar Ko Jhukadiya
Wo Saltanat Wo Shaane Hukoomat Umar Ki Hai.

Mitne Na Paayega Ye Qayamat Ki Subha Tak
Islaam Ki Ragon Me Hamiyyath Umar Ki Hai.

Baade Wisaal Hazrate Siddiq Be Shubha
Sardare Ambiya Ki Khilafath Umar Ki Hai.

Maanga Unhein Khuda Se Rasoole Anaam Ne
Azmath Hai Aisi, Aisi Sharafat Umar Ki Hai.

Aarif Hai Sunniyath Ka Har Ek Daur Me Urooj
Haasil Hamein Jahan Me Himayath Umar Ki Hai.

Imaame Aazam Abu Hanifa