Tere Qurban Pyaare Muhammad

Jisne Dekhe Nain Matwaale Tere
Mast -O- Bekhud Wo Na Ho To Kya Kare
Ek Nazar Jo Dekhle Kehta Phire

Girraha Hoon Mujhe Bhi Sambhalo
Apne Pyaare Nawason Ka Sadqa
Ya Nabi Meri Jholi Me Daalo.

Girah...

Aisa Tujhe Khaliq Ne Tarahdaar Banaya
Yousuf Ko Tera Taalibe Deedar Banaya.

Kaunain Banaye Gaye Sarkar Ki Qaatir
Kaunain Ki Qaatir Tumhe Sarkar Banaya.

Kunji Tumhe Di Apne Khazanon Ki Khuda Ne
Mehboob Kiya Malik -O- Muqthar Banaya.

Be Yaaro Madadgaar Jinhe Koi Na Pooche
Aison Ka Tujhe Yaaro Madadgaar Banaya.

Dekhe Tera Jalwa Ke Tadap Jaaye Nazar Bhi
Raushan Hain Tere Noor Se Suraj Bhi Qamar Bhi
Ek Mai Hi Nahi Sab Hain Tere Chaahne Waale
Allah Bhi Hoorein Bhi Farishte Bhi Bashar Bhi.

Dono Aalam Ki Ibteda Tum Ho
Rehmate Haq Ki Inteha Tum ho
Apne Saaye Se Bhi Juda Tum Ho
Kuch Na Samjha Koi Ke Kya Tum Ho.

Koi Apna Nahi Rauze Mehshar
Hai Yahan Nafsa Nafsi Ka Aalam
Ham Gunahgaar Hain Ya Muhammad
Apni Kamli Me Hamko Chupaalo.

Noor Se Noor Milne Chala Hai
Mustafa Se Khuda Kehraha Hai
Ye Hai Meraj Ki Raat Pyaare
Apne Chehre Se Parda Hataalo.

Girah...

Teri Deed Karne Ko Khud Khuda
Tujhe Paas Apne Bulaliya
To Bithake Saamne Ye Kaha.

Shabe Meraj Jab Wo Khaas Parde Ke Qareen Pohonche
Sada Parde Se Aati Thi Ke Aao Tumse Kya Parda.

Door Hojayenge Sab Andhere
Noor Hi Noor Aankhon Me Hoga
Dekhna Hai Agar Unka Jalwa
Apne Dil Ko Madina Banaalo.

Yaad Aane Laga Sabz Gumbad
Sunlo Fariyad Apne Fanaa Ki
Hijr Me Dil Behelta Nahi Hai
Ya Muhammad Madine Bulaalo.

Tere Qurban Pyaare Muhammad (NFAK)