Eidi Mile

Eidi Mile

Ya Nabi Chashme Rehmath Ki Eidi Mile
Ranjo Gham Se Bara'at Ki Eidi Mile.

Dono Aalam Me Izzath Ki Eidi Mile
Deen Par Isteqamath Ki Eidi Mile.

Ulfath -E- Auliya Ki Ho Daulat Ataa
Hubbe Ashaab -O- Atraf Ki Eidi Mile.

Baqshdein Apne Darbar Ki Haazri
Iss Uloo -E- Sa'adath Ki Eidi Mile.

Jis Jagah Khelte The Hussain -O- Hasan
Uss Gali Ki Ziyarath Ki Eidi Mile.

Aap Ka Tauq -E- Nisbath Ho Zaib -E- Guloo
Aisi Shaan Aisi Shauqat Ki Eidi Mile.

Saari Duniya Me Ghalba Ho Islam Ka
Mominon Ko Qiyadath Ki Eidi Mile.

Meri Naslon Ko Ya Mustafa Aapse
Ta Qayamat Muhabbath Ki Eidi Mile.

Aanch Aane Na Dein Aapke Naam Par
Hamko Shauqe Shahadath Ki Eidi Mile.

Choot Jaayen Sab Aamale Badh Ya Nabi
Neik Kaamon Se Raghbath Ki Eidi Mile.

Wo Bhi Din Ho Hamein Eid Ka Din Shaha
Rauze Mehshar Shafa'at Ki Eidi Mile.

Ghair Ki Simt Dekhe Na Aarif Kabhi
Uss Karam Uss Inayath Ki Eidi Mile.

Gira..

Huzoor Aisa Koi Intezaam Hojaye
Salaam Ke Liye Haazir Ghulam Hojaye
Badi Ghareebi Hai Majboor Hogaye Hain Ham
Tumhare Dar Se Bohot Door Hogaye Hain Ham
Jo Hukm Ho To Madina Dekhne Aayen
Dayare Paak Ki Deewar Choomne Aayen
Agar Naseeb Se Gumbad Hara Nazar Aaye
Qasam Khuda Ki Ghareebon Ki Eid Hojaye.

Gunahon Ki Aadat Chura Mere Maula