Andhere Me Bhi Ahle Dil Ujala

Andhere Me Bhi Ahle Dil Ujala(Hz Khwaja Shouq Rh)

Kalaam of Khwaja Shouq

Andhere Me Bhi Ahle Dil Ujala Dekhlete Hain
Jab Aankhein Band Karte Hain Madina Dekhlete Hain.

Nazara Gumbade Khazra Ka Ham Kya Dekhlete Hain
Zameen Par Jalwaye Arshe Mo'alla Dekhlete Hain.

Madine Me Na Jaane Log Kya Kya Dekhlete Hain
Gum Utne Hoke Rehjaate Hain Jitna Dekhlete Hain.

Nazar Ki Qaeyd Kya Sar Ta Qadam Noore Mujarrad Ko
Dilon Ka Haal Be Dekhe Bhi Aaqa Dekhlete Hain.

Kisi Manzile Qausain Dekhi Hi Kahan Ab Tak
Nabi Ka Martaba Aala Hai Kitna Dekhlete Hain.

Zarurath Kya Hai Aaqa Ko Kahin Bhi Aane Jaane Ki
Jahan Jo Dekhna Ho Hasbe Mansha Dekhlete Hain.

Khuda Jaane Kahan Hai Aaqri Had Unke Jalwon Ki
Nazar Jitni Mili Jinko Wo Utna Dekhlete Hain.

Faqeeri Jazb Hojati Hai Anwaare Nabuwwath Me
Jahan Waale Faqat Zaahir Ka Jalwa Dekhlete Hain.

Nazar Se Ghaib Kuch Ho To Sawaale Ghaib Daani Hai
Anaa Min Noor
Hain Ek Ek Zarra Dekhlete Hain.

Dare Sarkar Hai Insaniyath Ki Aaqri Manzil
Issi Nisbath Se Qad Insaan Ka Ooncha Dekhlete Hain.

Ajab Hai Shouq Raahe Rasme Darbare Shahe Bat'ha
Yahan Kam Dekhne Waale Ziyaada Dekhlete Hain.

Andhere Me Bhi Ahle Dil Ujala(Hz Khwaja Shouq Rh)