Banda Parwar Mere Har Gham Ka

Banda Parwar Mere Har Gham Ka

Banda Parwar Mere Har Gham Ka Madawa Tum Ho
Mujhko Duniya Se Gharaz Kya Meri Duniya Tum Ho.

Mere Aaqa Meri Baqshish Ka Waseela Tum Ho
Dar Se Mai Jaaun Kahan Mera Sahara Tum Ho.

Taaj Aur Taqt Ko Kya Khaak Nazar Me Laaun
Mai Bhikari Hoon Tumhara Mere Daata Tum Ho.

Ek Nazar Daaldo Beemar Shifa Paa Jaaye
Jiska Saani Nahi Koi Wo Maseeha Tum Ho.

Zindagi Aapke Qadmon Pe Nichawar Kardun
Mera Mazhab Mera Imaan Mera Kaaba Tum Ho.

Meri To Saari Baharein Hain Tumhare Dam Se
Ye Bhi Sach Hai Mere Jeene Ka Sahara Tum Ho.

Kaisi Tauseef Bayaan Hogi Bhala Danish Se
Jis Se Aalam Me Ujaala Hai Wo Jalwa Tum Ho.

Banda Parwar Mere Har Gham Ka