Usmane Ghani Taalibe Mehboobe Khuda

Usmane Ghani Taalibe Mehboobe Khuda

Usmane Ghani Taalibe Mehboobe Khuda Hai
Imaan Me Kamil Hai Sharaf Daare Wafa Hai.

Har Ek Adaa Jiski Bina Saaze Haya Hai
Affaan Ka Beta Hai Muhammad Pe Fida Hai.

Do Noor Mile Hon Jise Kaun Uske Siwa Hai
Usman Ke Ham Zulfe Ali Shere Khuda Hai.

Jis Dil Pe Rahe Ulfate Usman Ka Ijaara
Waswaas Ka Zor Uspe Chalega Na Chala Hai.

Wo Bay'ate Rizwan Me Bina Daste Payambar
Allahu Ghani Uska Ajab Bakhte Rasa Hai.

Hai Uski Raza Marziye Sultane Do Aalam
Sultane Do Aalam Ki Raza Rab Ki Raza Hai.

Muqthare Do Aalam Se Ta'alluq Ki Badaulat
Usman Ki Tamleek Me Aayine Sakha Hai.

Duniya Use Kehti Hai Ghani Isliye Fazil
Sultane Madina Ka Wo Maqsoos Gada Hai.

Usmane Ghani Usmane Ghani