Adam Se Laaiyye Hasti Ko Aarzue Rasool

Adam Se Laaiyye Hasti Ko Aarzue Rasool

Adam Se Laaiyye Hasti Ko Aarzue Rasool
Kahan Kahan Liye Phirti Hai Justajue Rasool.

Balayen Loon Teri Aye Jazbe Shouq Salle Alaa
Ke Aaj Damane Dil Khichraha Hai Sooe Rasool.

Shagufta Gulshane Zahra Ka Har Gule Tar Hai
Klisi Me Range Ali Aur Kisi Me Booe Rasool.

Ilahi Hashr Ke Din Iss Libaas Me Uthoon
Mali Ho Tan Pe Mere Khaake Paaye Kooe Rasool.

Ajab Tamasha Ho Maidane Hashr Me Bedam
Ke Sab Ho Peshe Khuda Aur Mai Rubarooe Rasool.

Khusha Wo Dil Ke Ho Jis Dil Me Aarzue Rasool
Khusha Wo Aankh Ho Jo Mehwe Husne Rooe Rasool.

Talashe Naqshe Paaye Mustafa Ki Qasam
Chune Hain Aankhon Se Zarraate Khaake Kooe Rasool.

Phir Unka Nashsha -E- Irfaan Ka Poochna Kya Hai
Jo Pee Chuke Hain Azal Se Ma -E- Subooye Rasool.

Adam Se Laaiyye Hasti Ko Aarzue Rasool